十一月二十四日
十四個月至十五個月閒記
titi學習篇
上次titi喺動物 flash card學識九種動物
今次mami再教另外九種 成功!!!
mami跟足晒學 flash card嘅技巧 真係好work呀 ^^
今次教嘅動物有 :
1. 兔仔
2.長頸鹿 3. 斑馬 4.羊羊
5.龜龜 6. 大笨象 7. 牛牛
8. 鼠鼠 9. 雞雞
其實好早之前 titi 已經學識之前九種加呢part七種
呢part最難學係兔兔同羊羊 mami唔知點解佢成日
講佢就識講 識指住兔仔叫兔 (當然發音唔正啦)
羊羊都識講 仲講得正嘅
但當mami問邊隻係羊 佢就指兔 點解呢?
依家分到喇 但仲係要諗一陣....
呢九種動物 titi識講嘅有
兔兔 羊羊 牛牛 雞雞 斑馬就叫馬馬
有video做證架 逐張point出嚟
flash card round II 成功!!!
加埋round one titi認到十八種動物
今次flasd card第二 round titi嘅學習態度唔同左呀
之前好有耐性 叫佢講就講 指就指 攞都照攞
呢次唔係喇 佢覺得自己識 懶叻 唔想指比mami睇
之前試過叫佢指 佢就想撕爛張card 一係就唔理mami
雖然ti爸話 " 你知佢識就得啦 唔好理佢指唔指 聽唔聽你話"
但mami覺得小朋友聽指令好重要 點解依家titi唔係次次聽指令呢?
titi去完日本返嚟就學第二套flash card喇
下次唔學動物喇
因為titi學識十八種之後 其他嗰d好深 根本冇可能識 ^^
波波 巴士 樹樹 花花嗰d titi都ok 唔想再買一套flash card比佢
mami決定試 ABC 因見到titi對貼房門嘅ABC好有興趣
一於試佢有興趣嘅啦 ^^ 加油呀
沒有留言:
張貼留言