四月九日 好好天呀
十九個月至二十個月閒記
琴晚喺澳門返嚟嗰陣 已經PLAN好今日去邊架喇
阿ti 係唔係好佩服嗲地媽mi嘅無窮盡嘅精力呢?
一早起身 就出去吉野家食早餐 阿ti今朝食好多野呀
之後去銀行搞返學自動轉賬 set up好戶口扣數
返屋企沖澡 休息一陣 就出去阿ti間學校交form
交完form 我地就車到去中環嘆九記牛腩粉
仲有勝香園好好味嘅檸蜜脆脆 滿足晒平日返工做唔到嘅慾望
全家都飽晒 我地衝去西環 做咩? 去playtown呀
想去 playtown好耐架喇 但嗰陣阿ti行得唔太穩 所以一直唔去
依家唔同呢佢一去到見到d sir滑梯呀 軟墊呀 就大笑 好開心
playtown有分唔同區域 地方都算大 應有盡有
喺度開生日會都應該係一個唔錯嘅選擇
可惜阿ti未有同學仔丫 如果唔係一定喺度同佢開個生日會啫
$110.00兩大一小 tima玩得好開心 好耐冇咁癲過
阿ti第一次跳彈床 有板有眼架
阿ti自己過到繩網 好勁呀！(video)
呢個槍林彈雨陣好好玩呢
阿ti係咁比人射呀
嗰度有兩條sir滑梯 好好玩架 一條橙色 嚇死tima 好跣好快架
另一條就係好斜嘅紅色 tima坐左好耐先敢sir咋...
呢個地方 一定會再encore去過 有邊位媽媽想去可以孖住去呀
離開playtown 我地就落左銅鑼灣整手機
同埋去換手機coupon tima有新手機用喇
休息一陣 就出旺角 tiba嘅同事介紹我地去hot pot
新星酒樓有特價 hot pot 好多人排隊架 每位圍起七十蚊
七十蚊包任食任飲 仲要食材新鮮 丸係手打 蝦係基圍蝦
肥肉係厚切多雪花 你話抵唔抵呢 特價限做一百日咋 ^^
我之前都有諗過去呢度架..好多媽媽都會帶仔女黎呢度
回覆刪除[版主回覆04/13/2009 00:30:00]我嗰日見到關詠荷同女女呀 ^^ d 小朋友個個都係鬼鬼呢
下次過海去呢度同club house玩啦 ^^
呢度真係幾多小朋友攪生日會,但西寶城真係對我地黎講好遠,平日我要返北角上班,所以假日都怕左過海
回覆刪除[版主回覆04/14/2009 22:57:00]都唔係好遠啫 (呵呵 對於住港島嘅我 ^^ )
搵次去下啦 !! 記住你都要 sir架喎 好好玩架
好多野玩呀,開心 c lo
回覆刪除[版主回覆04/14/2009 22:58:00]開心c我多d呀 我玩多過阿ti玩呀 嘻嘻
本來我地 5/4 都去架, 但 PY 流鼻水, 眼仔又未好返,冇得去LU, TITI 好勁呵, 行繩網, 叻呀
回覆刪除[版主回覆04/14/2009 22:58:00]唔驚 嗰度好多人 應該唔會關門大吉嘅
第日冇咁多人先去啦 ^^ 真係好好玩架
我之前都聽過呢個地方，以為剩係租俾人開生日會，原來可以俾入場費入去玩，下次可以約埋一齊去玩喎！
回覆刪除[版主回覆04/14/2009 22:59:00]晴晴去到嗰度一定癲晒都似呀 你唔去得住呀 哈哈
hehe~唔知我入唔入到去玩
回覆刪除[版主回覆04/14/2009 22:58:00]可以架 大人三十蚊呀 去丫 好好玩呀
好多野玩呀..........
回覆刪除[版主回覆04/14/2009 22:59:00]係呀 搵次同你去丫 ^^
哈哈....大家都好似蒸熟左咁..
回覆刪除[版主回覆04/15/2009 22:56:00]嘻嘻嘻 哈哈哈
呢度我都去過玩呀~ 不過媽咪唔記得帶相機.....
回覆刪除[版主回覆04/16/2009 23:26:00]噢 下次再去過law ^^