酷熱警告下勇闖南丫島

八月一日

二十三個月至二十四個月閒記

                                            哈哈哈 酷熱警告之下

                                        我地一家大細勇闖南丫島

                   點解咁熱仲去? 因為大家都好珍惜一齊放假嘅機會

                      難得個個星期六都全day-off 點都要出去行下架喇

 

                       約左yee ee 婆婆佢地喺ifc 一於食個靚m記先出發

           公公冒住比tima鬧 靜靜雞買左杯二十幾蚊嘅strawberry tea比阿ti

                      真係錫個孫錫到燶呀!!! 結果都係比tima鬧 哈哈

 

                                坐船去南丫島 好似快過坐船去長洲

                             唔洗一陣就到喇 我地慢遊洪聖爺灣嗰邊

                                     榕樹灣嗰邊始終多野睇過索罟灣

                        喺嗰度買左d飾物好啱阿ti去旅行用 好開心啊!

                                 另外 我地仲食埋好好味嘅豆腐花呢!

                       

                       

 

              

                   本來帶埋泳衣喺洪聖爺灣游水架 但後嚟都冇帶到

                                  唯有聰少陪阿ti去海灘玩下水水

                           點知衰豬驚驚呀 哈哈 之前唔驚依家驚

                                      玩左一陣就拍拍沙離開lu

                       去左洪聖爺附近嘅香草原影下相 都未算好熱...

      

                         

                          

                         

                         

        

                            

       

 

             離開沙灘同香草原 我地唔識死向索罟灣進發 (tima要求的...)

                  人地寫50分鐘嘅路程 我地最後用左兩個鐘先行完

                        太熱喇 太攰喇 tima好後悔唔行返去榕樹灣

                   對唔住呀 大家 係我害左你地 原來條路咁難行嘅

                     tima行得好辛苦 公公仲抱阿ti行 阿ti最舒服呀

                     全程有人抱 有人遮住佢嚟行 所以佢一d都唔攰

                  tiba都好可憐 "咩"住一大袋野 好彩最後都冇嬲tima啫

                   係tima錯 so so sorry!!! 愈近索罟灣 就愈多觀景台

                    我地喺d觀景台度休息好耐呀 嘻嘻 大家都唔想行

 

          

          

          

                         呢張相見到阿ti對腳比例上都算長架! 哈哈哈

                             

                             

                             

                              

           

                             

 

                             

                      <<  tima後面嗰個叫神秘洞 係戰爭留下嘅一個山洞 ... >>

 

                                  兩個鐘之後 到左索罟灣 大家都唔想再郁

                                          淨係坐喺冇冷氣嘅茶餐廳食野....

         

                     就連tima都冇心機影相 但眼見索罟灣好多好玩嘅野

              就下定決心 下次淨係行索罟灣 逛漁民文化村 同埋去游水!!!

                                不過 呢d活動都係等冇咁熱先做啦 嘻嘻

                                                    暫別喇 南丫島!!!