Private Blog : 名校 (Private Page)

 

睇開阿ti部落格的朋友 相信都知Tima嘅工作係做d咩架啦 唔喺度再講多次lu

因為Tima工作嘅關係 真係識到好多朋友仔 其中好大部份係老師

所以未生阿ti之前 對港島嘅一系列"名校"都會有一定嘅認識 但冇詳細了解

當中有張x珊英x中學啦 聖保x男女中學啦 庇x羅x女子中學啦 仲有皇x...佢地d老師都好好 開口埋口都係學生 Tima仲估唔到佢地呢d "名校"嘅老師都好young  唔似以前Tima學校嘅老師同sister都上左年紀

依家生左阿ti 更加留意D學校 特別呢排要幫阿ti檢討之前訂下來的"鋪路"揀幼稚園計劃 需唔需要改變 ... 老實講 心儀嘅四間一定會報晒 雖然話未迫至埋身要做d咩決定 但都應好好諗下 邊樣係Tima最concern架呢?

就呢件事 嗰日Tima捉住一個喺poly任教嘅教授 諗住問下佢意見 一問之下先至知 原來呢個教授以前喺九龍x瑪xx(九龍x區嘅dream school) 度教過 之後去左銅鑼灣 (各mama dream school) 聖xx中學度教左幾年!!!!!!!!!!!!!!! 有冇搞錯 點解識左佢三年 嗰日先至發現架!!!!!!!!!!!!!! 兩間都係每個媽媽嘅夢想!!!!!!!

傾下傾下 佢連去幼稚園interview會問嘅內容都同我plan埋 我一路聽一路抄 教授果然係教授 佢講嘅野好簡短 好中point!!!!

當中佢講左幾個interview重點 想喺度同大家分享下

1. interview嘅衣服最好係佢之前有著開嘅 等佢舒服d 情緒都會好d

2. 唔可以叫其他人代勞 例如 工人 佢話有d家長真係就咁叫工人陪去interview

    就算小朋友表現得好好都冇用

3. 家長唔好表現緊張 小朋友到兩歲幾識睇眉頭眼額架 你緊張 佢都會緊張

4. 各名幼稚園 老師都好著重家長平日嘅"家教" 老師會用好多陷阱問題問小朋友

    例如 : 你覺得地鐵同巴士有d咩唔同架?

    小朋友答 : 地鐵地方大d 可以走嚟走去

     嘻嘻 小朋友咁答就衰左喇 點解? 諗下啦

5. 小朋友打扮好重要 每間學校收生嘅口味都唔同 有d要活潑 有d要斯文有禮

     家長要好好留意

6. 英文字 數目字 顏色 呢d基本入門一定要識 冇走雞 仲有會問小朋友生活嘅常識

仲有其他point要留意 特別係家長呢一part 直係好重要 好重要架

 

講完呢d 仲想同大家分享Tima揀學校落實會做嘅野

1. 揀男女校定女校呢? 如果喺港島區揀聖x羅男女呀 張x珊呀呢d男女校

    第日小朋友嘅社交network會靚d  (自己再深入諗下點解啦 嘻嘻) 

    男女校最好就係 唔洗好似d一條龍女校咁 小學到中學都係女仔 真係好鬼悶架

2. Tima有時放假會去學校睇下d學生 由幼稚園到小學到中學間間都睇!!!!

    目標set左邊d心儀嘅小學同中學 再睇下要讀邊間幼稚園

    有時等車 喺巴士都會睇下d著校服嘅學生

     當中張x珊嘅學生 同聖x羅男女嘅學生真係一流 談吐 氣質 教養 校風都好好

     Tima最欣賞小朋友嘅氣質同自信! 有次個客飲茶 佢嘅仔仔讀聖x羅男女中一

      一坐低就望住我叫 : 姐姐 完全唔怕醜 好有自信嘅眼神

      我同佢媽咪傾去旅行 佢全程有參與 最後仲憑記憶默寫旅行web site嘅link比我

      哇!!!! 我問佢 你點解識默寫咁多條link嘅?

      佢淡定淺笑 : 我成日幫媽咪plan旅行搵資料嘛 搵得多自然熟啦

      希望d資料幫到你啦! 特別頭嗰兩條link最多自遊行package做speical offer!

      Tima真係拍晒手 有學識 有教養 有自信 噢 !!!中一學生可以咁charm嘅?????

       家長有功勞 學校...明顯地都有一定嘅功勞

3. 名校有d係私校 父母應量力而為 因為除左學費仲有雜費

    供養小朋友讀書唔係一年半年 有d一年比四萬幾至六萬蚊嘅 要真係諗下值唔值

    一陣讀完出嚟仲衰過津校 不如留錢比小朋友做首期好過lu

    眼見有個客 老公年薪幾百萬 可惜患腸癌未期 返唔到工 之後叮埋

    份保險賠得幾百萬 平日冇咩積蓄 (所以話識儲錢先有用 識賺都冇用)

    兩個仔女都讀名校 一年淨係學費差唔多十萬 媽媽唯有幫佢地轉校 ...

    講到呢度 Tima覺得女人真係要做野 依家唔同以前 錢真係好重要 ...

     個concept好簡單 冇人嘅career係順風順水 老公唔掂 仲有個老婆

 

最後講多一個point :

有d媽媽會覺得名校會迫得小朋友好辛苦 其實都唔一定架 好似阿ti間幼兒園 d課程真係好深 初初佢返嚟好唔鐘意返學 到依家佢地會習慣

好似佢返嚟學識禮儀 :

打噴嚏會掩口

咳嗽會掩口

坐底個"back"會貼住張櫈 腳仔合埋坐

三日一篇詩歌 成三十幾個字架 都會熟唸得連Tima都好佩服