之前見有blog友show左篇press 話嗰d幾萬蚊套嘅教學dvd 原來係冇實際教學用途 而兩歲以下嘅小朋友更加唔應該長期睇電視 會損害眼晴 ... 其實諗諗下都係架 小朋友唔識好似大人咁 睇野攰嗰陣會合一合眼 佢地睇電視真係眼都唔眨 望實電視 令小小眼睛受到傷害啊...
今日再有一篇press令好多家長失望... 架車仔tima之前都有睇過 一拎上手 一d都唔輕便 加上二千幾蚊用一年 所以好似唔太抵 (阿ti三歲後一定唔比佢坐車車 有d好大個仲坐車 真係救命呀)
於是聽朋友話 都係買二百蚊嘅反斗城車仔 ~~~ 簡單 安全 輕便 (單手攞得起) 但當然都有唔好嘅地方 就係小朋友訓得唔舒服架 因架車細細架 始終大車訓覺舒服d 針無兩個利呢~
依家好多產品表面好似對小朋友好好 但其實相反地 有害而無益呢 d企業貨不對辦都唔係一單半單嘅事喇 作為家長 真係要好好選擇!
美國回收嬰兒車 港亦有售
(明報)2009年11月10日 星期二 14:30
美國 回收 100萬架英國 Maclaren品牌嬰兒車，指車的鉸位有可能令嬰兒斷指，所涉型號均在香港有售。
美國消費產品安全委員會（CPSC）指，有問題的Maclaren嬰兒車在中國製造，美國曾發生12宗嬰兒指尖被夾斷的個案，呼籲消費者即時停用有關產品。
CPSC指，當消費者將嬰兒車摺起或張開時，車的鉸位都會對孩子構成危險。
被回收的產品，於1999年至2009年11月出售，全部印有「Maclaren」的字樣，涵蓋單座位和雙座位設計，售價介乎100至360美元 不等。
CPSC宣布在美國國內回收的型號，包括以下9種：Volo、Triumph、Quest Sport、Quest Mod、Techno XT、TechnoXLR、Twin Triumph、Twin Techno和Easy Traveller。
根據Maclaren Baby的香港網站，以上型號的嬰兒車，均在本港有售。
（綜合報道）
美國回收100萬架英國Maclaren品牌嬰兒車，指車的鉸位有可能令嬰兒斷指，所涉型號均在香港有售。
除左去迪迪尼,否則都唔坐, 小喬自一歲後都冇乜坐車車, 2歲後直頭冇坐, 依家小喬見到D哥哥姐姐仲坐車車, 會叫佢做BB架
回覆刪除[版主回覆11/11/2009 19:51:00]係呀 依家都係出街帶定 擺喺車尾箱 都唔會用... 嗰次去旅行都帶左但冇用到 所以士的車都係買平平地就ok喇
十五都好少坐車啦，通常我地去街橫跨佢的訓覺時間就會帶車，因抱住佢訓，真係手都斷。 呢d新聞間中都有單，所以有時都防唔到咁多。
回覆刪除[版主回覆11/11/2009 19:57:00]防唔到架 唯有自己小心d揀野咯 我嘅concept係貴野諗清楚d 平嘅冇所謂 呵呵
聽講我星期六因為一個朋友既bbq約會可以同你同你個超級cutie既女女相見喇, 恨左好耐呢....haa
回覆刪除[版主回覆11/11/2009 19:56:00]係呢 我地都未見過面 希望到時唔會比阿ti嚇親啦 初初佢會怕醜 之後就嚟架喇 ^^
我都希望唔好比阿vic豬d喊聲嚇親你地, 佢已經嚇親左我好多朋友同佢地既仔女架喇...擔心中.....>_<
回覆刪除[版主回覆11/12/2009 19:59:00]唔會啦 阿ti都有時怕醜同埋會喊架 始終大家都係bb 唔洗驚啦 到時見
我用左呢款車都有一年啦，不過我覺得ok，因為小朋友瞓得舒服，加上我女懶行，有時去shopping mall吾拎車抱c人，不過我覺得最緊要家長小心用同埋睇住小朋友，呢款車其實好好推！
回覆刪除[版主回覆11/12/2009 19:38:00]真係呀 家長要成日睇住小朋友防止意外發生呀 如果覺得好就ok 我地好少用車仔 可能我地出街好多時都有人可以幫手抱阿ti tiba啦 婆婆啦 公公啦 聰少 姑姐... 同埋行商場之後 好攰就上左車 唔會推架車出嚟lu 我地架車係用嚟推d袋架 哈哈 唔好笑我地低b呢 好似上似去disney就要用車車喇 手抱阿ti 但架車用嚟推重袋...
py都唔肯坐成年喇..不過我有 2 部 bb車, Macxxxx 真係好用好多woo~
回覆刪除[版主回覆11/16/2009 00:01:00]我冇用過呀 我一拎上手就覺得重 冇買到lu
阿ti真係好少用bb車 所以冇特別去揀同買
但好奇怪呀 點解香港有人用 但冇人整親呢? 仲要講到斷指咁恐佈...