Private Blog : 首個課外活動 (Private Page)

十一月十四日 (星期六)

二十六個月至二十七個月閒記

    

             阿ti參加左人生第一個貢獻社會嘅活動呀

                 亦都係學校生涯嘅第一個課外活動

                     就係為公益金賣旗呢!

                  可惜tima參與唔到 請唔到假啊...

 

         一收到通告 知阿ti有賣旗嘅機會 既興奮又驚訝

              興奮嘅係 : tima未賣過旗 一直好想試!

         驚訝嘅係 : 吓? 阿ti得兩歲 咁快就要佢地賣旗???

      有鑑於全部家長都參與 tima都好踴躍咁幫阿ti報名 嘻嘻

               報完名 返公司一睇roster 屎喇屎喇

        賣旗嗰日 tima要返工呀! 咁即係話得tiba同阿ti去賣....

 

            果然不出我所料 tiba鬧爆左我 一連串嘅火爆話 :

                         你冇假放又報名?xxxxzzzzz

              邊有阿媽唔去陪小朋友賣旗得阿爸陪架?

                   我唔去呀 抱住阿ti點賣旗呀!!! xxxxx

             鳴鳴 tima都好想去架 奈何突然要返工呀!!

                     sorry呀 titi sorry呀老公!!!

 

                  話唔去唔去 最後都屎屎氣氣去左

        好彩tima一早幫佢地個旗袋打底啫 唱定d coins擺入去

          

   

          阿ti學校提早分發旗袋同sticker 好讓我地有所準備    

   

     

         tiba話好少人幫佢地買 如果個袋得一兩蚊就樣衰咯

         (tima心諗 梗係啦 成十一點先出去 搵鬼同你買咩!)

                   

                                  出發喇 tiba露出無奈嘅笑容

                   

                       tiba最怕"sell"野 叫人買野架 阿ti 你爸爸幾錫你!

                   

                   

                      兩父女一條心 加油呀 tima喺公司幫你地打氣!

          

                      賣左一版旗 (全部都係tima預先搵同事買 ~_~)

          

                               囡呀囡 賣得半個鐘 有冇咁攰呀?

                  

                       好野! 終於有個c9幫下襯 (姑姐狗仔隊實錄)

               今次賣旗活動 阿ti最少學識咩叫賣旗

                    仲學識講 : 唔該買支旗丫!