Private blog : 面試第三戰 (Private Page)

一月九日

戰情(三) :   

Sacred Heart Canossian Kindergarten

嘉諾撒聖心幼稚園             

一條龍 可接上港島傳統名女校 嘉諾撒聖心學校 聖心書院

因Ronbinson Road冇得停車 所以tiba冇陪我地in 反而公公婆婆陪到我地

今年有去INTERVIEW嘅家長都知今年聖心超多人IN 多到間學校咁大都冇咩位企 好恐佈....

企左一陣 等叫名 tima一d都唔緊張 因為知一定冇行 一來多人 二來唔係住呢區會爭d 加埋冇宗教信仰 冇人事關係 幾千人去報 根本冇行啦

我地好快比人邀請到課室排隊 由於tima係攝位王 一落到樓梯就即刻排隊 成功排到第三位 呵呵 快d in完快d走嘛

好多義工家長同阿ti笑 仲同佢傾計tim! 真係好喇 連warm up都有人幫tima做埋 爽

談諾兒!  噢 到我地 於是tima進入作戰狀態 加油!

阿ti今次都有八十分 一去到自己拉開凳仔 : 老師 你好!

老師拎份appl.出嚟 指住阿ti張相問 :呢個邊個嚟架？

阿ti好醒神 (初初仲好nice咁 之後... ~_~) : 呢個我嚟 談諾兒

老師好開心咁 : 係咯 (攞起鎖匙) 呢個呢? 呢個咩嚟呀? 知唔知?

阿ti開始串串共 眼望天花 好不屑 : 呢條鎖匙咯~~~ (個咯字好長尾音 串爆)

老師再問 : 鎖匙用嚟做咩架?

阿ti直望老師 : 用嚟開門架

tima喺隔離滴晒汗 阿囡態度好串呀 屎咯

之後老師再問食物 阿ti愛理不理咁答晒 tima都冇心機喇 隻豬喺度破壞!!!!

問完阿ti 老師同tima傾計 又係嗰d 點解要嚟呀? 對小朋友有咩抱負呀? tima講晒佢鐘意聽嗰d

老師跟住又即興問 : 諾兒 嗰邊有兩隻杯杯呀 可唔可以兔仔跳過去指比老師睇 邊隻杯細d呀?

阿ti搖手指 : no! 我唔跳呀

老師死不心惜 : 不如老師過嚟陪你跳丫?

最後 冇跳到 但都有指下邊隻細嘅

好喇 走喇 阿ti好風騷咁 : byebye seeｕ！

tima絕望喇 點解阿囡咁玩野 又串又多口 又唔聽人講

聖心本來都夠多人報多人爭架啦 仲要比阿ti咁壞 呢次多數都唔收咯