幼兒園親子旅行 Part I

三月二十日

三十個月至三十一個月閒記

 

阿ti嘅學校終次有親子旅行喇

地點喺彭福公園 我地淨係比車錢四十二蚊

阿ti之前好期待呢個旅行呀 每次放學都講旅行

我地仲同佢去超級市場揀乾糧tim 令tima諗返以前學校旅行嘅回憶

 

上車喇 阿ti真係好期待 成日話介紹同學仔比我地識

而tima最開心係 : 終於可以喺親子旅行用猿人親子袋 好好好靚呀~~~

阿ti好緊張咁問好多問題 仲不停望住其他旅遊巴

車程半個鐘 佢終於覺得心 攞左部i pod touch出嚟玩mini game

終於到喇 阿ti話未去過彭福公園 都係喎 好咁多地方 就係冇去過彭福公園

難怪佢咁興奮啦 hehehe

tima叫佢影馬場有草地嗰邊 佢唔制 偏偏要carpark呢邊 真玩野 q_q

跑啦 跑啦 小朋友要開心跑多d 但條路有d斜喎 小心d呀!!!

第一次學校旅行 : 彭福公園

tiba知阿ti心急 都不其然行快d 真係錫阿ti錫到燶...

好多馬馬呀 阿ti自己揀要影邊隻

親子袋又嚟喇!!! 哈哈哈

嗰日有馬術比賽 仲有好多鬼妹仔學騎馬

如果要騎馬 最好去森林 勁free 阿ti大個先有機會學咯

阿ti一邊睇馬 一邊食欣欣杯 好開心 tima都好開心呀!

哨子聲一吹 學校準備嘅活動開始喇

d家長都吹bubbles 小朋友開始瘋癲咯!

 

集合喇 終於見到阿ti嘅同學仔

原來阿ti都好受同學歡迎架 之不過佢d同學好似驚左我地兩公婆咁 呵呵!

有咩game玩 哈哈 阿ti之前成日話彭福公園有"彩虹傘" 原來係咁解

阿ti真係好慢熱 見人笑 見人玩都冇咩反應 成日唔知諗咩咁

哇 個個都走入rainbow度喇 阿ti仲企喺度 tima推佢入去 嘻嘻!

玩左一輪 再嚟一張班相 阿ti每次見到班相都好開心呀

次次都用手指仔指d同學比tima睇 介紹同學仔比tima識

玩完咯 老師送禮物 一人一份 係潛望鏡嚟架!

阿ti笑到咁 好招牌好假咁呀 其實你想唔想笑架?

阿ti最鐘意嘅老師 梗係要合照一張啦!

仲有佢最愛嘅同學仔 其中有個同學仔都好好彩入到同一間幼稚園 可以做同學仔again喇!

之後 我地去野餐咯 下回見...