四月四日
三十一個月至三十二個月閒記
假期最緊要過得舒服 一日喺屋企 一日出街係最好嘅安排
可惜tima天生貪玩 冇可能全日留喺屋企
認為假期應出外見識 多散心
去唔到旅行 點都要行下街 食下野嘅
今日 "做完正經野"我地同埋姑姐去左赤柱行下街街
姑姐同tiba都建議食pizza 既然地點同菜式都揀好 仲等咩呀?
假期果然假期 平日唔多人知嘅街錶位都好多車等人
tima同姑姐決定去攞位先 等tiba泊好車再過嚟join我地
坐低左 阿ti已經瞄到有sticker book送
佢好緊張咁望實個waiter tima仲覺得奇怪點解阿ti係咁望waiter?
嚟喇嚟喇 waiter哥哥送比你嘅pizza stickers exercies
靚到tima爭d問佢攞多本 哈哈哈哈
阿ti最令tima驕傲係佢E.Q特別高 好少發脾氣 (除左唔夠訓)
凡係要等 要耐性嘅 佢都all pass!
佢見baba未嚟 就坐得定定咁自己做自己野架喇...
真係有諗咩材料擺咩位架 你睇幾認真 抵錫!
貼啦貼啦 唔好好似tima細個c收爛收d stickers
用左嘅先叫stickers 唔用嘅永遠係一張printed paper
呢個新口味好得呀 大家都好滿意 佢叫Silica 一百分!
阿ti都鐘意食pizza...上面嘅meat ball 佢話 :我一啖食左佢！
呢d木製刀刀叉叉 最好比阿ti練下切野擺落口
阿ti揸筷子叻 依家咁睇 第日揸刀都應該唔錯喎
檯檯都叫嘅 唔洗介紹啦 一百分!
tiba終於泊到車 仲好開心咁食佢嘅第一啖pizza : 好好味!
哈哈 呢張相阿ti好似拎住"火"咁 佢愈大愈識搶鏡
次次都"cheers"咁嚟影 真係非常合作!
Silica太好味喇 再叫多一個salmon pizza 都係食得晒 八十分!
呢個波波係阿ti另一想要好耐嘅野 終於得到手啦 小朋友!
We're full!!!! 好滿足咁離開 出到去 姑姐細心幫阿ti縛好個波波先
今日套衫係阿Ti自己襯架 佢話要著孻叔送嘅韓國手信...毛毛背心
離開赤柱 收到嫲嫲電話 話今晚有family gathering 真係好喇
去gathering之前要做一樣野 買玩具!
今日兒童節嘛 除左拜山 梗係要同阿ti happy下啦
買玩具梗係要落太原街 好快就到左灣仔...
買左一份玩具 仲有我地嘅下午茶 嘻嘻
上到去gathering地方 見到表叔喇 阿ti好開心話要同嘉言玩
玩咩? 梗係新寵玩具啦 祝兩位兒童節快樂!
沒有留言:
張貼留言