爸爸車?

七月某一日

 

話說有一日 tima收左工 見時間好早 就同阿ti出去行下

抱住臭ti過馬路 突然 佢指住馬路大叫 : 媽咪 爸爸車呀! 係爸爸車呀!

tima周圍望 心諗 : 下? tiba都未收工 同埋佢今日都冇揸車 咩爸爸車呀?

於是 就問阿ti : 邊度有爸爸車呀?

阿ti指住架貨車 : 爸爸車呀!

tima望一望 : 咩呀? titi 嗰架係貨車 係運花生架 唔係爸爸車嚟!

阿ti瞟tima一眼 好不屑咁 (個樣好好笑) : 係爸爸車嚟喎 搵笨咩...

哈哈 第一次聽阿ti講 " 搵笨" 愈學愈多奇怪字眼

 

到左超級市場 阿ti無啦啦指住貨架 : 爸爸車呀!

tima一望 e 係頭先貨車嗰隻花生喎 於是喺貨架拎落嚟望真d...終於明白阿ti點解話係爸爸車嚟lu 哈哈 ...

又真係有d似爸爸嘅 呵呵...