小ti大叫 : 我喺伊館畢業喇!

七月四日

三十四個月至三十五個月閒記

 

(由於小ti唔再入讀呢間學校 所以以前嘅private page都變返public喇 大家有興趣請到蒂蒂の可愛教室睇返之前返學嘅片段啦 多謝!)

 

今日係小ti嘅大喜日子 佢維持左一年嘅n班課程終於完結喇

由初初咩都唔識咁返學 到依家嘅變化真係轉變左好多

收到學校嘅邀請咭 大家都有d失望 因為入場券得兩張咋 所以淨係得我地爸爸媽媽先有得去......

                        二零一零年七月四日

         畢業典禮假座於香港伊利沙伯體育館舉行

          

                     

          

 

姑姐出動紥左個好靚嘅公主頭呀! (相好似有d散 但現場睇好整齊好靚架!)

舉行地點 : 伊利沙伯體育館 場面都好熱鬧啊!

留意嗰三個打鼓嘅小朋友 真係好厲害 唔好睇佢細細粒 好勁好rock得架!

仲有場刊任攞 嘻嘻 我地攞左三本呀!

小ti嚟緊就嘅幼稚園都有交通安全隊呀 小蜜蜂隊等等 好多課外活動

到時都唔知點揀好....

依家見d小朋友做交通安全隊呀 聖詩班呀 仲有舞蹈班 個個都好得意 搞到tima咩都想比小ti學tim

一班服務過十嘅員工 其中有小ti嘅嬸嬸 順姐 真係好多謝妳一年嚟嘅幫忙

從小ti口中 知道妳平日點樣工作.....

跟住小ti就上台攞畢業證書喇! (第一行第四個呀!)

呢個代表攞證書嘅女同學仔應該好細個 明顯地"的骰"過其他同學仔 好cute呀!

小ti上到台仲喺度搵我地 真係搞鬼!

台上有人攞證書 台下有人拍手鼓掌

跟住又係d家長覺得好精彩 但我地悶到訓著嘅表演....

哈哈 小ti最鐘意嘅老師居然唔係自己班主任 .....

而係佢講左好多次嘅隔離班劉老師仲有兩位外籍教師呢 可惜都同佢地合照到

而下面呢位就唔知叫咩老師 佢抱完小ti再抱小ti嘅朋友仔喬喬 (一起入讀新幼稚園 好開心呢)

哈哈 留意小ti成日搵我地呀 我地喺山頂呀 傻豬!!! (部傻瓜機咁遠都影到都算係咁咯)

完場喇 你地睇下後面d家長 就知學校安排得好差

唉 d人好似搶仔咁 我地都係呀 一完場就仆住衝落去搵女 哈哈哈 d家長一邊行一邊鬧呀! x*#$$YZ咁鬧呀

其實我地d家長都唔急 如果佢一邊叫咪一邊接就得啦 好過全部家長衝落去

完左場有食物招待 但唔係比家長 係比嘉賓咯....

我地都好奇怪 有幾多個嘉賓呢? 我地比三千蚊學費 唔通一包飲料都唔請我地飲?

anyway 點都好喇 今日就係小ti n班學校生涯嘅一個總結...

我地返左屋企就問小ti : 你有冇唔開心呀? 有冇唔捨得d老師同同學仔

小ti : 好開心! 以後唔返明我幼兒院lu

tima 完全估唔到佢比呢個答案 之後佢好快再問

小ti :我想快ｄ去 XXXX (新幼稚園名) 呀! 幾時去呀? 攞左校服未呀? 要買黑鞋喎 (下刪數十句)

Tiba同Tima都對望一陣 點解小ti突然唔鐘意返呢間學校嘅?

完左呢一日畢業禮 我地終於知道答案喇.... 一個令人好傷心 好失望嘅答案