逛逛兔年維園花市

2011‧1‧29

逛逛兔年維園花市 

 

好快就到新年喇

趁住年廿六冇咁多人 就行左花市先

我地今年淨係行到維園咋 其實嗰d都冇時間去咯

 

阿ti記得花市係咩嚟 第一時間話有波波

識飛嘅波波

無錯喇 年年都有人送氫氧球比妳 今年都唔例外

就係公公喇 真係錫到妳燶呀!!!

 

上完興趣班 我地去左天后嘅星級米芝蓮嘅 "一點心"度食lunch

之後就向維園出發

阿ti去到維園就問係唔係工展會?

哈哈 好記性 咁睇又真係幾似嘅

 

每年都有張工展會相

同樣地 每年都會有張花市相

 

 

阿ti一進場就同阿公研究買邊個波波

初初佢睇中一個百幾蚊嘅castle 哇 太貴喇 唔比呀!

 

之後去到一間好抵嘅波波店

阿ti大叫 : 哇 好靚嘅cinderella馬車呀!

問一問價 : HKD 58

好 就呢個喇 大大個 仲肯吹個新嘅 抵!

 

攞住心頭好嘅阿ti

容光煥發 個波波又真係幾靚嘅

 

happy地帶住仙姐遊街

開心c佢 58蚊哄得佢咁開心都抵嘅

同場有個小朋友 好想要波波 佢媽媽c都要佢買風車

佢好唔開心咁望住阿ti

其實tima覺得有時d野唔係一定要有用先可以買嘅

唔太貴嘅情況 都要哄下小朋友

試問佢仲會扭你幾多年丫?

大個d都唔同大人行花市lu

 

阿ti有左波波後 開心到tima去揀左半個鐘花都冇怨言

仲"好好心"幫tima攞住

 

好野 大家都有收穫

可以拖住走咯

今年yeee冇得行花市 所以公公好體貼咁買左個cushion比佢

而順路買多對兔耳仔比阿ti 20蚊都好靚架

 

e 行行下唔見左阿公?

tiba出晒力去搵

喺邊度呀?

公公呢?

 

突然 有杯雪糕送到阿ti口邊

哦 原來公公去左買雪糕哄佢個寶貝孫

 

阿ti一句 thanks就係咁食係咁食

食到成個嘴都係

 

行去攞車之前

ti小姐再發功 要去playground

公公求情之下 可以玩十分鐘

 

yeah! 今次行花市行得好舒服呀

d野都算買得抵 而tima好開心到啱心水嘅蘭花

唔捨得買好貴嗰d呀 平平地擺下算啦

都好靚丫 係咪?

兔年好快就嚟喇

行完花市 要快d辦埋最後嘅年貨啦

好快就大年初一咯