復活節一起上廣州 (完)

24.04.2011 Cloudy

 

玩到呢度 大家都好攰喇 連續兩日係咁食係咁玩 都唔好話唔攰

雖然大家都咁攰 但都好樂意陪公公探一探中山紀念堂

公公最鐘意孫中山呀 去到邊都見到中山先生 上次台灣都有中山嘅紀念館

阿公攬住婆婆 笑得好樣衰呀 哈哈 但一睇就知佢好開心

我都好開心啫 因為有我嘅"王子"陪住我

嚟啦 王子錫啖先...

HELLO 差唔多最後嘅行程喇 好唔捨得呀

紀念堂外出有人幫客人影相 一定要幫襯啊 十蚊一張 仲係一set嘅比你留念

真係好好好抵架 質素仲好ok

之後公公話要入埋去參觀 好 就陪你啦

嘻嘻 大家企好 等我分派入場票先....

媽咪見我喺中山紀念堂悶到飛起 所以決定改行程 去一個我好鐘意嘅地方

喺嗰度 有電動水上電單車玩架!

初初媽咪有諗過要自己踏嗰種 但呢個念頭唔夠十秒就打消左

因為大家都好攰喇

出發 哈哈 呢次係我第一次探制呢大型嘅機械 好緊張好開心好興奮呀

睇我笑到...

媽咪一邊鬧我唔認真揸船 我就一邊笑 哈哈哈哈哈哈

一邊揸 一邊有好靚嘅風景 加埋嗲地買上船嘅凍飲 好舒服呀

好喇 我地要攞行李走 喺公園對出 有好多人賣野

佢地賣小雞啦 賣蠶蟲啦 總之咩小動物都有 好嚇人呀 但真係有人買架喎

執好晒行李 我地坐的士去坐火車喇

婆婆終於見到廣州嘅吉吉島 佢去到邊個國家都要搵吉吉島出嚟架 好神心!

就嚟夠鐘 所以揀左食附近嘅真功夫

呢間野喺廣州都好出名下 一間連鎖式快餐店

裡面賣嘅係中菜為主 我地叫左魯肉飯 味道一般啦 同價錢成正比嘅

好喇 要走喇

多謝廣州比左兩日天晴我地 亦都多謝公公婆婆爸爸媽媽成日帶我去玩

期待下次再去玩過

又要坐火車喇 今次冇咁好彩 坐舊款火車 比第一程辛苦呀

但唔驚啦 兩個鐘車程 好快就過咯

最後 要提提大家 唔好貪平坐港深 除非平日啦 假日千萬唔好呀

事關深圳過關要等 買火車票要等 總之咩都要等

反而我地直通車貴幾十蚊 但我地喺假期兩次過關都係十分鐘內 計返條數 都係坐直通車安全同快捷d架

今次遊記報導完畢 多謝各位