Day Two 呀 好驚呀 好跣呀...一邊叫 一邊都肯試下郁
原來咁樣咁滑雪?
媽咪話唔係喎 我地要上半山滑落嚟...
我真係好驚呀 跣住咁行 真係唔識
baba好擔心咁扶住我行 我一步一步咁跣住行
媽咪仲可以影相嘅? 過嚟扶我呀 鳴鳴
行左一陣 我開始感覺到雪地上點跣住行喇
平地仲滑到兩步到 我要加油!!!
我一向都係一個倔強嘅小朋友 要做到嘅一定會做到
見唔見到我透大氣呀? 雖然透大氣 但都扮到唔驚
喺山腳度 我地首先要學跌
點樣跌先唔會令自己受傷 呢樣真係好重要
我有好留心咁學架
原來一跌 雙手唔可以按地 最好可以交叉手 慢慢重心向邊邊斜落
我好快學識跌喇!
有d人要慢慢先敢"跌"落地
我就諗都吾諗 向側邊跣住跌落去
教練遠遠的送個手指公比我 之後媽媽仲要求我跌多幾次練多幾次tim
呢兩位型男"跌"得幾型...
學完跌 教練就教我地橫行上山
雙腳左右左右咁上山
呢度開始我唔明呀 亦都唔識點張開腳去行
禍不單行 媽咪到左呢度都開始頂唔順
因為媽咪零下十幾度冇戴手套幫我地影相 佢開始覺得好凍
照顧唔到我 需要回一回氣 佢企左喺斜坡邊吹吹手
唯有baba幫我 教我點橫行 可惜我都唔太明
橫橫下變左斜 想跣返落山咁 累鬥累 baba都一度停滯不前
見到唔對路 心開始好驚 我同媽咪講 : 我唔玩喇
媽咪同我講左大輪道理 都係嗰d老土金句 叫我唔好放棄
好啦好啦 我唔放棄...
但我始終唔識拎起腳向上打橫左右左右行
行兩步都係斜左嚟行 人又重手又凍 媽咪都好無奈
後嚟 我比心機試著跟佢地嘅拍子抬高腳郁
ok喇 我上到去幾步 我真係做到!
雖然同大隊爭d距離 但都已經喺好高好斜嘅山坡上
望落去好驚呀!!! 對一個四歲嘅小朋友嚟講 真係好高同好斜呀!
我再同媽咪講 : 抱我呀!!! 我想落返去呀 我唔玩喇
雖然我企係度冇咩野 冇咩表情
但其實我好驚好震同好攰喇
媽咪見我唔郁又同我影幾張懶型相
嚟喇 教練講解完點滑之後 我地準備一個個試滑落山
大家見我地企喺度好似好輕鬆
其實我地已經用左半個鐘上嚟 企喺度都十幾分鐘
我同baba講 我對腳仔好攰呀 打橫斜企真係好用力
大家都開始滑落去
我好驚好驚呀 扁晒嘴 媽咪發覺到
佢安慰我話唔驚架 如果跌倒就好似教練咁教去做 ...
媽咪安慰完我就啦啦聲仆住咁落返山 諗住幫我地拍video
冇幾耐 yeee同聰少滑左落山喇
本來扁嘴嘅我突然喊左起嚟 鳴鳴
點解 ?
因為baba都滑埋落山喇! 有冇搞錯呀!!! 唔等我 ?
鳴鳴
佢地走晒 得返我同michael哥哥喺山上面 本來好驚嘅我更加驚
媽咪喺山下見到我喊係咁鬧baba baba傻下傻下都仲未知咩事
媽咪指手劃腳之下 大家再望返上去
噢 終於見我打橫企喺度 pose唔郁 但就喊緊
baba即刻衝返上嚟 Michael不停呵我 baba上返嚟 我先停左唔喊
過左幾分鐘 Michael哥哥叫我滑落去
我最後都鼓起勇氣 向下滑左落去!
媽媽對於我肯滑落去 覺得好驚訝 爭d錄唔切
所以個video 未錄到尾就cut左 佢驚我會跌嘛 錄到咁上下就stop左
點知我由中山坡一直滑落去山腳尾 之後仲自己停左企喺度!!!! 奇蹟
我冇跌呀 雖然滑嘅姿勢欠奉 都全個過程好淡定 一直向下滑
教練同Michael哥哥都驚訝我一直滑落去好遠 仲識停喺度望返轉頭
媽咪到依家都後悔唔繼續錄影落去 aiya...
anyway 呢一滑 係我第一次 冇跌呀 hehe
沒有留言:
張貼留言