佛誔Be Be Cute

28 April 2012



今年冇去到"捐"金龍呀

反而去左bbq

放假幾日都落雨  最好搵有遮頭嘅地方bbq


YEAH 大欖涌fit晒今日天氣

有得玩 如果落雨就可以入返去燒野食

同聰少踢踢波先

踢左半個鐘  ~_~" 裡面透好爐 燒緊野食都未見佢地返嚟

阿ti發晒癲咁走走走  

tima同yeee出嚟搵人  見個天好黑 就比佢地玩一陣啦

個playground都冇人玩 得我地霸晒

tima一味叫阿ti唔好玩到咁癲 小心 d

yeee就話小朋友放假比佢地玩下 都係嘅

但都要小心d呀 唉 見到佢玩到咁真係好鬼驚

跑完仲未夠  聰少陪個傻妹去夾公仔 

兩個大小朋友一齊就會癲晒 好快會有新力軍加入tim 死未?

見到阿ti抱住咩? 就係夾返嚟嘅公仔

Piglet是也

自助buffet同自帶bbq兩樣都好

今日任食就方便d 啱晒d懶人

阿ti同tiba合作無間 一個燒一個食

食還食 阿ti都有幫手做野嘅

掃蜜糖係佢嘅強項

食完幾件扒 幾條腸 就食雪糕

一杯清晒 哇 阿ti真係愈嚟愈大食 嚇親人呀

曾小b 你鐘唔鐘意bbq呀?

做咩成日玩姨媽個咀啫??? 有相為證架

e 你d口水呀!!!