生日快樂在清遠 (v)

2 Sep 2012



早餐 最好食係最肥嘅腸粉

真係好好味 但食少少驚  好多油呀



四大長老繼續嘆世界

上房要執野咯

我要表演一個魔術比大家睇

點解我同婆婆會唔見左? 去片!

 

玩完魔術 我地就去行下條大橋

北江大橋 連接住清遠城市架

行到橋中心  好靚嘅風景啊

離開酒店喇

其實有時嚟中國玩下者幾好丫

行程可能悶少少  但有得一家人住下酒店

都係一個唔錯嘅選擇

話晒叫做見識多個地方嘛

去食lunch嘅車程

居然有得播鄧麗君嘅歌

聽聽下都幾好聽架bor 四大長老仲happy到震tim

哈哈 呢d清遠的士好得意呀

但都幾危險

清遠真係一個幾落後嘅城市

一望條街同d車就知喇

晏畫好多餸 當中都係有清遠雞....

D雞唔知係唔係由呢d靚女姐姐咁樣運過嚟呢?

哇  原來可以載咁多個人?

最後一個景點

一個冇野行嘅公園  朱汝珍公園

得呢幾個銅像

同埋呢隻馬

一過清遠關就會見到隻馬架喇

朱汝珍公園對面就係御金街



呢度係最新嘅景點

睇落好似好涼爽

其實係好鬼熱架

呢度有座鼓樓架

清遠兩大美人

真係好熱.....

Mami仲叫我影相

其實我個心已經走左去....

食冰咯

呢度d冰大大盆但好平

公公食完就去買手信

點解佢嚟到呢度都可以買野架呢?

呢度都有d China style (haha) 嘅野睇

呢個就係朱汝珍喇

即係邊個? 自己上網search啦

我地熱到暈低 係時候要返香港~~~

再見喇 清遠

等妳發展好先再嚟探妳啦

保重喇 朱汝珍  小心中暑呀....