29 March 2013
登登 Hollywood環球影城
我笑到四萬咁口 因為諗住可以玩機動遊戲
上次去新加坡嘅環球影城 覺得好好玩
唔知呢個好唔好玩呢?
Universal Studio Hollywood可以行紅地毯入去
yeah 心情興奮!
呢個必影水牌好鬼型
由門口開玩起有Waterworld
個個Universal Studio嘅Waterworld都一樣吧
好想買啊~~~~
個海綿寶寶好得意啊
我地急步行 要去玩全個park必玩嘅一樣野
到Curious George附近就差唔多到喇
全個Universal Studio最好玩 亦都係必玩既
就係Studio Tour!
Hollywood最出名係電影
Studio Tour會帶你入真正嘅片場
感受同時回味著名電影嘅精彩片段
唔好以為淨係坐車呀 好鬼刺激架
正常要排好耐隊 但Carol姐姐幫我地安排到等一陣有得玩
yeah!!!
攞定3D眼鏡 等睇效果
貪玩5人組
上車喇 mami好興奮 係咁叫..
我地揀左坐車尾
車頭會有個姐姐講解
我地雖然見唔到佢真身 但見到video架
以下嘅相開始已經係片場範圍
至於邊間屋邊個倉庫拍過咩電影 自己慢慢諗啦
行車時 姐姐會介紹邊個位有咩電影拍過
Brad Pitt喺呢度d樓梯拍過電影 邊一部呢?
呢個位都拍過好多部電影架
呢個位呢 記得嗎?
過左片場
開始睇刺激嘅野喇
第一個要去既地帶 - 金剛
非常非常刺激好睇 拍爛手掌!!!!
部車一入到去就見到金剛大戰恐龍
車會強烈擺動 呢一part要戴3D眼鏡
我地有影video 但唔喺擺lu ...
留返去到再有驚喜
好多電影裡面用過嘅車
全部有晒名牌 好清楚啊
跟住見到汽車示範爆破
好精彩呀 我都嚇到呆左
繼續行片場 有電影拍攝中
個姐姐會舉個牌出示意 安靜啊
之後會到地震嘅場鏡 都非常精彩
車同場景同時配合 震呀 熄燈
水喺四方八面湧出嚟
貨車都喺地面塌落嚟!!!
個個都呆左 之後拍爛手掌...
好快 去到大白鯊尼一part
幾好睇 但冇咩驚喜
經典殺人場面...
個殺手會衝過嚟架 小心小心
經過災難場地...
細睇都幾恐佈架
呢塊藍色佈景板 拍過好多電影架
平日影海呀 船呀 都係度拍
Warm reminder : Stroller drop off 總有一個喺附近架..
其實仲有一part講洪水架
但我地掛住睇 唔知道原來雨roll機 所以冇相又冇video
洪水嗰一part都好好睇
沒有留言:
張貼留言