七個月嘅titi同mami
又話今日有雨 都冇嘅 講大話
一早同ti嫲飲茶茶 陪左兩大長老一個朝早
之後就同titi去荃灣睇醫生呀 佢臉仔嘅敏感
哈哈 搽完藥膏就好好多喎 good!!!
喺天光道join titi嘅公公婆婆 就去探mami嘅太婆啦
好耐冇探過自己嘅嫲嫲啦 行經天光道嘅棒球總會 影張相留念啦
以前mami住九龍城架 所以突然好感觸
嗰陣仲係小朋友 依家帶個女返嚟 titi仲有七個月呢
飲完titi太婆煲嘅愛心湯 就向尖咀出發咯
我地好似人地自遊行咁 影下海傍呀 鐘樓呀 星光大道
對於以前嘅mami嚟講 真係好無聊 一定唔會去行咩星光大道
有時間去掃衫行街好過啦 但依家我地好樂意去呀
仲可以玩得好開心tim 唔洗講點解啦 因為titi咯 嘻嘻
lunch同埋下午茶一次過嚟 居然去左食大家樂嘅滾水湯粉
行多一陣 我地又轉戰銅鑼灣city super買奶粉
再去埋北角東寶食晚飯 好味好味 真好味
招牌菜 風沙雞 黃金蝦 墨汁鱿魚 南乳炸豬手
可愛的星期天 再見了 
沒有留言:
張貼留言