甲蟲titi

  好多決定 好多選擇 關於我 關於titi

     關於我的選擇

今年公司份"阿披so"攞"A" 知道自己會升職

   人工有得加  照計應該好開心

  但我反而感到有壓迫感 工作量會多左

  花無百日紅 今年爆數 唔等於下年會做得好

  加上外出好多勁好嘅offer工作 (真係好吸引)

   但代價可能係收工晏d 冇咁多時間陪titi

所以好難抉擇

     關於titi的決定

呢兩日冇得打blog 勁上網睇有關titi讀書嘅野

 港島東真係好多名校哩 mami好想幫titi報到一條龍

   最理想係st paul嘅n1之後st paul嘅小學 中學

    同事s依家幫緊我 如果成事

  titi就係陳方安生等名人嘅校友咯

 mami唔係望女成龍先揀名校

    只係唔想佢去到d學校

    隔離個同學仔係冇屋企人理 冇人等佢返屋企

     講衰d 嗰d父母連子女學壞都唔知

   喺一個冇同學讀書嘅地方 titi多數都唔會讀架啦

所以好多家長都想小朋友入名校呢

  成績其次 最重要唔好誤交損友 (減低可能性)

   條路就幫佢鋪好 之後是龍是蛇就睇佢嘅造化咯

 最起碼  日後唔會後悔當初冇幫佢揀間好d嘅學校丫

  講到呢度 大家會問 titi七個月咋 咁快諗返學?

  初初我都咁諗 但近日有個客叫我好問定

一查之下 嚇死我呀 係真架 依家要考慮報邊間

   好多好嘅幼兒園(一條龍幼兒園) 準備報名啦

   有d六月報 有d十一月呀

    mami依家嘅手頭上有好多唔同區嘅資料

   如果大家需要嘅可以互相交流下丫

   例如讀邊間nursery會去邊間小學.....

   入返正題 幾日搵到件買左好耐嘅甲蟲披肩呀

   好似未影過相 嘻嘻 model titi

  又要麻煩你咯