快乐游长隆 ಇ 香江野生动物世界(下)

五月八日

三十三個月至三十四個月閒記

 

 

                        母亲节快乐游长隆

                                 ಇ

                香江野生动物世界(下)

 

離開左百虎山 我地去左澳洲動物王國喇

喺嗰度 我地見到袋鼠同樹熊呀!!! 原來佢地好得意 仲好乾淨tim

如果第日媽咪帶我去澳洲探佢地 一定更加開心呢 嘻嘻 有d貪心tim...

我同媽咪都好鐘意樹熊呀 喺書睇好似好大隻 但現場睇原來佢地好baby架 好想抱抱佢地...

臨走之前 我再同佢地say goodbye呀 下次澳洲見啦!

離開可愛嘅樹熊 我地見到大大大笨象呀!!!

我發左癲一定要餵佢 媽咪佢地都估唔到我會咁鐘意大笨象呢 嘻嘻 失禮晒!

餵開有鋪癮 嘻嘻 我再去餵長頸鹿!

媽咪唔敢餵呀 佢話長頸鹿條脷好長 但棵葉好短喎...我就唔驚呢 (但比媽咪影到我好驚個樣tim  )

餵完長頸鹿 我地就奔跑去坐最後一班嘅火車

呢架火車會帶我地睇唔同區嘅動物 係動物園嘅重頭戲嚟架!

依家就等火車同我帶你地去睇動物啦!

我諗有好多動物都唔洗介紹啦... 我一邊睇 一邊溫習動物d名呀 睇得好開心 連d姐姐都有讚我識好多英文同中文呢...

噢 睇左二十分鐘 一d都唔悶呀

落車之後 媽咪帶我去玩兒童機動遊戲...

可能時候都唔早 有好多遊戲都關了 唔緊要啦 我睇左咁多動物都好開心架喇!

多謝香江野生動物世界 提供左一個咁多動物嘅地方比我地欣賞

如果可以嘅話 我好想再嚟一次呀!!!