五月八日
三十三個月至三十四個月閒記
母亲节快乐游长隆
ಇ
鱷魚公園
架車行左十幾分鐘 就去到鱷魚公園喇!
一落車 就周圍望下先,...因乜解究好似咁荒蕪嘅? 仲要人都冇個 oh...唔通上左賊船
一入到去 見到一條好大好大條嘅鱷魚 真係好大條 影相出嚟唔覺大條 但現場睇好震撼架 條鱷魚身長而粗 行近d都好驚呀!
再行入去 見到有d小動物 整體上感覺似荔園 初初有d失望呀...
嚟到呢度 大家仲係有d失望 係...真係有鱷魚 但係得一兩條 d地方仲要冇人打理咁...
直至去到第二個地方 我地勁surprise呀!
到喇 呢度係釣鱷湖
初初我同媽咪唔覺個湖有鱷魚 淨係覺得d水好dirty
好多枯葉都冇人理嘅?
睇真d...哇 原來唔係枯葉 成個湖都係鱷魚呀!!!! 再一次震撼大家心靈
我地都係觀察人地釣先 睇下有冇危險嘛
見d人玩得好開心 引到d鱷魚彈晒起身 梗係啦 d餌係半隻雞喎!
初初聰少話唔玩架 但喺我死纏爛打之下 佢買左餌喇 yeah!
yeee全程抱住我睇 聰少玩到d鱷魚c下c下 真係好得意呀
當然 最後塊餌都比佢地食左咯...
突然間 我覺得好驚 喺yeee壞中跳落地 "唔睇喇"
之後周圍行 見到鱷魚show場啦 見到好多動物啦 仲有小小兒童遊玩場!
琴日抱完虎虎 媽咪一早喺網上見到可以抱小小鱷魚 仲一心諗住過嚟抱 點知...
唉 再一次對呢個主題公園死心...呢度唯一可取就係比我見到d鱷魚點食野咯...
我地喺園內逗留左個半鐘 就走咯
離開之前 我地見到d員工整鱷魚肉 好恐佈呀! 有冇人會買呀?
以下相片會令人情緒不安!!!!!!!
哇!!!!!!
我地call返酒店車 就上車離開呢個主題公園喇
同琴日嗰個動物園嘅管理同環境真係爭好遠呀!
長遠嚟講 如果呢個公園有人打理下 整理下 應該都係一個好好玩嘅theme park 加油呀!
沒有留言:
張貼留言