愛台灣 ☀ 陽明山天籟溫泉會館

 

 

愛台灣 ☀ 陽明山天籟溫泉會館

2010‧09‧30

 

 

離開姑婆屋企 我地急急腳搭車去台北站喇

因為趕住搭皇家客運去陽明山呀

我地book左獨立溫泉套房

可以浸完室外溫泉 再返房浸私家風呂

 

認住呢架車喇 皇家客運都幾難搵

唔係離遠見到有架紅色旅遊車都唔firm搵到呀

今次車程都幾遠 加上愈上山愈大霧

見到司機揸車揸得好辛苦

塊玻璃都曚晒 我地見到都好擔心呀

 

嚇餐屎嘅 終於到喇

原來會館都有好多遊客喎

全間會館嘅裝修都好grand 我地好滿意呀!

基本上整個山頭得呢間餐廳

仲要得個貴貴嘅養生餐

唯有就範 

初初大家都唔鐘意個餐架

好似貴得嚟冇野好食

但之後d餸一碟一碟咁嚟

味道擺設心意 各樣野都比我地見到餐廳嘅誠意

加上啤酒果汁雪糕任人 refill 更加加分

呢餐養生餐 真的棒啊!

 

食食下飯 大少爺同大小姐mood到喎

 

我一聽見影完相有雪糕食就笑...

 

 

飽飽lu 聰少同yeee帶我去playground放電

呢個playground都幾好玩

 

好喇 係時候返房準備浸溫泉

大家沖一沖身 就出發咯

溫泉嗰度要求我地著泳衣

所以我地可以一家人一齊浸呢

 

室外溫泉都唔錯 有好多個池

有唔同溫度比人選擇

我同公公婆婆就去個冇咁熱嘅

而佢地四個就周圍走

呢個泉眼D硫磺味特別勁呀

我地返到香港成個喼都係硫磺味呢...

 

浸完溫泉真係特別舒服

特別係刮腳嘅傷痕都唔痛 好厲害呢

大家都吹住口哨返房

 

等我帶大家參觀下我地間私人風呂房啦

 

個私人風呂係半露天架

一邊可以見到露台 第二朝就見到好靚呢

 

次次家庭旅行都有和服浴衣

今次我地又可以影全家福lu

 

大家未埋位 就等我影住先

呢件係婆婆送比我嘅小小和服

係唔係好靚呢? 係金魚圖案嚟架

 

嚟喇 一 二 三 笑

 

我地一家三口再嚟幾張

 

玩完浴衣照 我地意猶未盡

落左去playing room玩

哇 有好多場架

咩球都有得玩

佢地梗係玩返最鐘意嘅桌球啦...

好喇 各位早抖

我聽朝要早d起身影相 同埋游水呀!