愛台灣 ☀ 回港- Hello Kitty候機室
2010‧10‧01
寫到呢度 玩到呢度
終於到尾聲喇
我地離開陽明山就同公公婆婆分道揚鑣
佢地去整牙 我地去西門町食lunch
老規矩 我喺捷運分車票
佢地日日見到間大車輪都話想試
今日臨走前就去食啦
味道好 但冇咩台灣風味
食飽飽就返姑婆診所攞行李
我地準備返香港喇!
搵左七日嘅芬達橙汁居然喺最後一間便利店搵到喎
好喇 byebye喇姑婆
好多謝你帶我地去食咁多好野呀 我地玩得好開心
亦都好多謝你幫我地安排司機送我地去機場
又見到桃園機場喇 已經黃昏咯
我地搭嘅港龍喺第二航
咁即係話可以去到Hello Kitty候機室 發達咯
初初以為返嚟都係坐國泰嘛 點知改左航班
我地轉坐港龍 可以參觀下候機室
我地諗住快d寄完倉就去食飯
因為上得機都八點 我地深信台灣機係冇飯食
所以都係食d野穩陣d 嘻嘻
搭咁多次飛機 我依家好熟練會問媽咪攞passport同機票上機架喇
我要返嚟喇!
好開心 食野嘅地方都有d台灣風味野食
當中媽咪可以飲埋杯台灣波霸奶茶先返嚟
飽飽就向候機室進發
一路上見到kitty嘅野喇
跟住有kitty育嬰室
裡面好靚架 我諗d媽媽餵完奶換完片都唔捨得出嚟啫
yeah! 到喇
候機室就係kitty商店側邊
kitty商店賣嘅商店出面好多都冇架
好彩我地唔係kitty fans啫 唔係就破產都似
好大個playroom呀!!!!!
上面有好多kitty嘅details位
平時呢度會好多小朋友
今次居然得我一個由頭玩到尾 都玩左半個鐘有多
玩到最後我話唔玩呀!
鏡頭一轉 原來呢度仲有煮飯仔玩
D煮飯仔仲要係MOTHER GARDEN嚟架
好靚靚 媽咪嗰陣都想比我 但驚我細個周圍FING會刮花..
今次媽咪見我玩得咁小心 佢諗緊買一套比我玩喇
就嚟入閘喇
影多幾張相先
YEAH臨上機都買到天仁茶茗
帶左返香港嘆 好清好有茶味
見唔見到我呀 我好唔捨得返香港呀
眼濕濕喇 呢幾日玩得好開心呀
由清境至台北 晚晚酒店都好靚 玩嘅食嘅都好好
特別係一家人去 所以真係玩得好開心
媽咪講左句 : 好喇 落去閘口坐飛機
之後 我就忍唔住眼濕濕...
其實我已經好攰 嚟旅行之前病完
加上日日玩 真係好攰...真係要返去喇
媽咪叫聰少影底我嘅獨立片段
依家我識自己登機過關架喇
每次過關我都識主動同哥哥姐姐講我叫咩名
我好鐘意搭飛機
經過今次玩七日 佢地好放心帶我衝出亞洲玩耐D咯
唔知佢地會唔會帶我去探加拿大嘅大姑婆呢?
哈哈 都話好攰啦 呢張相嘅我攰到甩皮喇
因為今朝到依家都未訓過 我唔肯訓嘛
直至返到屋企先至訓覺覺...
攞過行李 哇 原來超重
有冇搞錯呀 我地唔係去東京喎 哈哈
平平安安 開開心心完成七日台灣之旅
今次係我第一次自己佔飛機位 第一次自遊行咋
大家都好滿意今次嘅安排
期待下次同公公婆婆YEEE聰少再玩過
無論自遊行同跟旅行團都好
總之去到外國就好開心喇
返到嚟香港 見返D同學都特別開心
朝頭早嘅PRESENTATION我講返台灣D野呀
黎老師同媽咪講我講得好好呢
返到香港 我已經追問媽咪幾時再去旅行呢
HEHEHEHE
沒有留言:
張貼留言