Day one 游完水玩完水 大家都好攰喇
今晚繼續火鍋 哈哈 韓國唔係乾燒就濕燒架啦
而今次火鍋嘅主題係紫菜...冇聽錯 係紫菜
我地肉唔多食 菜都有食 反而食人地d紫菜 要人係咁refill
淨係食紫菜包珍珠米飯都令人蝕晒本 hehe
食完飯 阿Rick哥哥帶我地到一間滑雪用具租借店度租滑雪衫
Baba同我都帶左滑雪服 所以陪少同yeeee租就得喇
佢地好快就鎖定目標 一人揀左套靚仔滑雪褸連褲喇
辛苦左一日 終於返渡假村休息下喇
返到渡假村 一張張美麗嘅雪地圖畫出現喺我地眼前呀 好靚好靚
加埋燈光 呢個聖誔節真係又靚又浪漫!
我地決定唔返房住 去邊呢?
yeah 我地就係去掃兩間便利店呀!
去旅行最開心嘅 就係見到d平日喺香港有得賣嘅 都變得特別新鮮咁 哈哈
我每次旅行都好鐘意夜晚晚去行便利店架 掃貨去咯,,,
掃完貨 經過一棵好靚嘅閃閃聖誔樹呀
襯埋後面個滑雪場 好靚好有氣氛啊!
DADDY同MAMI都話呢個聖誕節係佢地過得最有氣氛 最有意義嘅一個
凍凍的 浪漫的 溫馨的...
返上房咯
我即刻拎盒大大粒人蔘士多啤梨出嚟 要求MAMI開比我食呀!
出面已經零下十幾度 但我地坐喺火爐邊 坐喺鋪左暖管嘅地板上 都覺得好溫暖
大家都沖好涼 我地嘅宵夜行動可以開始喇 一 二 三 開動!
雖然香港都有韓國食物賣 但喺呢度都MARK返我地食過D咩先
A . 香蕉奶 超好飲啊
B. 紅荳沙 公公飲嘅 ok喎
C. Rick介紹嘅即食蟹柳 超級好味 真係好似食緊長蟹感覺 好magic啊
D. 米酒 佢地話好好飲呀
E. Rick介紹嘅即食螺肉 好好味 送杯麵一流
F. 米漿 有d似維他奶嘅味道 mami話好飲 但我就覺得一般喇
G. 呢枝唔洗講啦 蘆薈汁 仲有蘆薈果肉 當然好好飲咯
H. 甜到不得了嘅蜜梨
I. 辛辣麵 d人話個麵底同香港有d唔同 但mami話食落唔多覺丫
J. 呢盒人蔘士多啤梨好甜 連中間平日白色嘅位都係紅色架
K. 芝士杯麵 唔洗講啦 香港都有得賣 好味
食完上面大半盒士多啤梨之後 刷完牙 我就訓著左咯
就嚟訓著之前 我同mami講 : 今日好開心呀 .... Mami.....keke "
沒有留言:
張貼留言