Day One Halo 我係談家豬呀 見到我出現就知道我地一家出發去旅行咯
今次mami幫我地安排左過一個白色聖誔呀 地方係韓國
我一直都話好想睇雪 特別喺迪迪尼見完假飄雪後 一直好難忘
mami初初話帶我地去日本睇雪 可惜去唔成 最後揀左去韓國
睇返天文台話韓國已經係零下喇 所以mami出發前都幫我做足準備
暖包呀 頸巾呀 冷帽....總之全部保暖嘅都準備好晒
今次我地會去埋滑雪tim 仲會有一晚住歐陸風情嘅小木屋
小木屋加埋白雪雪嘅雪 一定會好靚架啫
mami仲有一個聖誔願望呀 就係一家人喺木屋門前堆雪人...
你地估下呢個wish最後會唔會實現?
一如既往 我又比mami擺落喼度 哈哈 今次佢擺唔到我入去喇
因為佢執晒野先發現冇位安置我 我唯有趴喺個喼度滿足下佢啦
去過韓國都知會撘夜機 我第一次搭夜機架咋
當mami第一次同我講我地深夜搭飛機時
我第一個反應係 : 咁喺邊度刷牙呀?
haha 佢地笑我傻豬呀
每次去機場都見到你 好靚嘅青馬大橋
今晚你好似特別靚咁
到左機場喇 泊好車 我地準備一連五天嘅奇妙開心白雪雪之旅lu
今次同行嘅有公公婆婆 yeee同聰少
仲有我三個仔仔
恐龍先生 薑餅人先生同埋don don都準備好
佢地三個都好好彩呀 屋企有好多仔仔女女都想去旅行架
但mami話最多最多只可以帶三個 所以我千挑萬選先揀到
婆婆仲好細心咁幫佢地一人織一條頸巾 一樣顏色架 唔驚走失丫嘛
mami最鐘意影人pat pat 唉
行快d喇 我地仲要食少少野先上機架
嚟到呢度大家都好開心喇 第一次聖誔出門喎 咁有氣氛梗係開心啦
我地仲見到薑餅人先生仲他鄉遇故知tim 機場都見到同鄉
其實我地嚟機場之前已經喺愉城食左八方雲集同麵麵
但嚟到機場居然肚餓喎 於是叫左d pizza頂下肚
食飽就行喇 我行先咯
去join yeee同聰少喇
好喇 入閘前都要交代下去邊度先 ...
入左閘 我又擒玩下機獊遊戲 呢度愈嚟愈dirty喇
mami比我玩左一陣就要走
冇得玩唯有睇DVD啦
點知mami大叫話要去洗手間要去睇飛機...又冇得睇
過左一陣就真係上機入閘喇
三個仔仔都好聽話坐定定同我影相
對下機票 再對下水牌 我地去首爾呀 唔好去錯英國 keke
我大叫一句 : 上飛機咯
Bye bye各位 早抖 ...
沒有留言:
張貼留言