13 April 2013
拉麵橫町係沖繩唯一一條拉麵街
呢度有好多間唔同嘅拉麵店
賣嘅都係沖繩特有嘅拉麵
咩叫沖繩特有拉麵?
沖繩拉麵嘅麵身較粗
同平日食嘅日本拉麵好唔同
（其實有D似我地食嘅刀削麵）
等食中
買完個哥哥會拎埋嚟比你架
所以安靜坐好就得喇
阿TI要小朋友拉麵餐
D拉麵係唔係好粗身呢?
我地三個食完之後
都覺得平日食嗰D日本拉麵好味好多
拉麵橫町仲有個遊樂場
阿TI一嚟到已經昅住喇
食飽飽就去打機同夾公仔
超人貼紙機呀
夾左兩次都夾唔到
算啦 留返D 100 YEN做其他野好過
見到Daiso喇
Daiso喺日本度度都見到
其實即係香港嘅十蚊店
我買左個袋仔同禮物比同學仔呢
噢
遠遠見到沖繩最人氣嘅雪糕
Blue Seal
好多味啊
嚟到沖繩梗係試左鹽同紅芋味先啦
一人一杯唔洗爭
UM 好好味 好濃嘅奶味
質地好厚 正！
好快返到酒店
呢間酒店真係平靚正
喺那霸市中心 係陳舊左d
但所有野都好乾淨
床同枕頭都舒服
擺低行李
見唔係好攰 就落酒店樓下嘅商場睇野
哇原來仲有甘蔗味嘅雪糕
酒店嘅商場咩都有得賣
價錢仲同外面差唔多
我地仲去左賣酒嘅地方買菠蘿啤酒
見到汽水機有沖繩限定版可樂
梗要支持下架啦
是日戰利品同手信 晚安 ~~
沒有留言:
張貼留言