14 April 2014
沖繩揸車真係唔難
D車行得慢 路又易搵 泊位更加容易
今日到Tima揸返兩轉 哈哈
話晒要錢整左國際車牌 就揸一陣咁多啦
KEKE 其他時間掛住喺車上網
揸車? 交返比TIBA
我地兩母女今日係唔係好型呢?
大家都做Ray Ban女郎 ~~~
架車行七十幾已經算最快架喇
通常D沖繩人揸五十架咋 慢到想扒佢地頭呀
萬座毛喺北部 我地由那霸過去要過收費通道
記住先取票 出口處付款
沖繩周圍都見到咁靚嘅藍天白雲
仲有好靚嘅藍藍海岸線
無得頂 靚到哇哇聲
好想衝落海呀 ~~~~~
之前有諗過 會唔會落雨或D得灰雲呢？
感謝神賜我地如斯好天氣
到喇 揸左個幾鐘
見到萬座毛嘅指示牌喇
呢度有Free parking
但車位有限 好彩我地一早嚟
到我地走嗰陣已有車龍lu
到此一遊
呢度行出去已經勁大風
錄左video 真係好好好大風
見到真身喇
Manza mou 萬座毛
哇 ~~~~ 可能風大 浪又急
隻象識噴水咁呀！！！
好鬼得意
Tima好鐘意下面呢張相
同阿ti一齊笑得好和諧
現場太大風喇 仲有其他遊客
而d角度要就返 影晒成個象頭喎
所以我地用左好多時間先至影晒要影嘅合照
好喇
鏡頭一轉 我地要做指定動作
踩上個象頭度 哈哈哈
嚟到萬座毛 個個去埋對面草原企喺象頭上睇浪架
話雖如此 我地行到一半已經比海聲同風聲嚇停左
嚇停嘅原因係風好大聲都好大
真係有d怯
兩父女都嚇停左睇定d先
同個懸崖好似好近咁
Tima呢張”影後“ 係一邊影一邊震架
好驚呀 ~~~
YEAH 我地企呢個位就係象頭上面喇
影完兩個驚到啦啦聲跑返入D
走喇 萬座毛好靚
風同浪都咁大 難怪大石被風化成象頭啦
阿TI一直追問關於weathering嘅問題
萬座毛呢邊可以遠觀萬座毛酒店
呢間酒店嘅私人沙灘好出名架
當年戀戰沖繩有部份喺度拍攝
如果唔係住客想享用沙灘嘅話 比錢就OKAY
出返去買紀念品
呢度最抵買係星砂樽 500 yen就大大pack好多樽
阿TI又買左手件比同學仔朋友仔
賣紀念品嘅嬸嬸讚我地靚女 （ ~ v ~ 真識哄人 ）
所以送左兩朵花花比我地
合照完之後朵花都唔知去左邊 @ ___ @"
早餐食左豆沙餅 頂到依家肚餓喇
我地去食沖繩料理
呢個三色丼好吸引
有晒沖繩幾寶 ~ 拉麵啦 海葡萄啦 水雲啦
除左貪佢個三色丼之外
我地貪佢個無敵Yoho seaview ~~~~ “Should該呢”
全靠我地早嚟 同勁講英文
日本人驚左我地比左reserved位我地
yoho ~~~~
對住呢個景食飯 真係 ....
不枉此行
現場睇仲靚 聽到少少浪聲tim
Tima狂影
兩父女肚餓到咩都唔理 叫野食先
開心合照
沖繩之旅愉快 ！
個紅芋茸好好味bor
塊扒反而好好食
終於食到海葡萄喇
唔 ... 我地三個都唔係好鐘意
本來以為似魚子味 但原來一D都唔似
仲有D苦苦甘甘
呢一餐 三個都比爆晒分
環境一流 食物可口
We love Okinawa!
沒有留言:
張貼留言