楽しいTokyo -DAY FOUR- Disneytwo

十二月二日  天氣好好 好舒服 但有d 凍呀

楽しいTokyo -DAY FOUR- Disneytwo

 

公公真係好錫我呀 知我鐘意pooh pooh 就買左poohpooh 餅同水壺比我 謝謝!!!    

          

  

  

每架bb車都有名牌架嗲地同媽咪幫我畫架靚唔靚呀?

           

冇幾耐 我見到yee ee喇 佢跑住咁去搵我地 喂!!! 唔好走呀 titi喺度呀 你地做咩入去pooh pooh間shop度呀? 出返嚟呀!!! 我好努力咁叫婆婆 想話比佢知我見到嗲地媽咪佢地 但每當我叫婆婆 佢淨係笑住摸我個頭 : 乖孫! 哎呀 婆婆 我唔係叫你呀 你見唔見到yee ee呀? 就係我好急嘅時候 媽咪見到我喇 佢叫左婆婆一聲 示意佢地返左嚟 跟住就去pooh 間shop度搵yee ee佢地...

好野 終於一家人再去玩喇 媽咪攞晒我地d入場券去book FP Winnie the pooh呀 一book之下要5點幾先有得玩 winne真係好受歡迎呢..

   

book完pooh pooh嘅FP 我地就去左紅心女皇餐廳度食LUNCH 一入到去好多人呀 所以今日Disney唔多人嚟計 呢間餐廳果然最受歡迎呀 初初媽咪以為要自己霸位 原來唔係呀 係要去買完餐 個紅心姐姐就會帶位 搞到好尷尬 日本人又嘅 點解企門口喺人唔識英文之餘 連指示都冇張嘅? 如果我地知嘅話 就一早去排隊買野食先啦

                

  

  

             

  

            

  

終於買完喇 yee ee同媽咪換左隻25週年alice in the wonderland嘅小朋友杯 好靚架 佢係用嚟放奶凍架...媽咪貪得意買左個兒童餐比我 今次係我第一次有兒童餐食呢 (上次kittyland嗰份係媽咪借比我影相架咋 嗰餐係媽咪架呢) 可惜份餐我淨係食得啫喱 其他野比佢地食鬼埋lu...媽咪點左女皇心型牛扒比自己 而嗲地就食燒雞喇...佢地好快就食晒份lunch 可能攰卦 坐左一陣 就出發喇 去邊? 嘻嘻去洗手間換片片先...

   

  

  

   

大家飽飽舒服晒 於是我地搵個靚位 做咩? 夠鐘睇巡遊喇 日本人真係好著重個巡遊架 一日巡幾次都要睇晒佢 嗲地好快搵到個靚位 好野 坐一陣就有得睇咯 我第一次坐喺度睇巡遊架咋 喺東京迪士尼睇巡遊好多規矩架 喺最前面嘅唔可以企喺度 連bb車都要摺埋 企後排嘅要企後d 如果你唔跟呢個規矩 有姐姐過嚟比個大交叉你架呢...

   

嗲地驚我睇唔到 所以最後我去左聰少度  騎牛牛咁睇巡遊 而婆婆就好快手咁坐左我個位 哈哈 婆婆 你都好攰吧!!!

                  

    

過左一陣 巡遊開始喇 聽著輕快嘅音樂 我都情不自禁拍手 踢腳 聰少同媽咪仲有yee ee都陪我跳舞呢 ... 好多好靚架公仔呀

媽咪 多謝你帶titi嚟 我好開心呢 媽咪見我咁開心 都笑得好開懷 ... ee 媽咪 虎虎呀!!! titi見到虎虎喇 我好鐘意呀 周圍叫人睇 然後睇到眼定定...噢 媽咪 仲有pooh pooh!!! 見唔見到呀? 真係pooh pooh呀...

d花車真係好靚呀 媽咪 你可以抱我睇嗎?花車由25週年minnie仙子開頭 mickey結尾呢...