楽しいTokyo -DAY TWO-箱根紅葉遊

十一月三十日 天色好好 適合觀賞紅葉

楽しいTokyo -DAY TWO-箱根賞紅葉

 

    

行左三個鐘puroland 我開始眼仔訓喇 好彩呢次車程兩個鐘可以訓耐d 我地今晚去富士山浸溫泉呀

小泉生話富士山好曳曳架 成日都匿埋架 唔知一陣見唔見到佢呢? 媽咪又出絕招喃嚰功喇 我被迫投降喇.....ZZZzzzzz

訓訓下 聽到巴士煞車聲 我半開眼仔 見到媽咪嗲地yee ee同聰少落左車呀 後尾聽佢地講 原來架車已經開左一個鐘 所以中途停比大家休息下 去下洗手間 食下野 雖然得15分鐘 但見佢地好落力買野食呀

  

          

   

    

            

上返車 見到佢地買左肉飽啦 豆沙芝士魚燒餅 蝦波 仲有好特別嘅hello kitty蜜瓜飽 聽媽咪講呢個飽超好味 所以好多人排隊 媽咪初初諗住唔排架喇 後嚟都係忍唔住排隊 一食落口 覺得排十個鐘都抵喎 佢都傻傻地架 titi就一定唔排喇

飲飽食醉d鴨仔自然上返車lu 繼績衝向富士山 yeah!

  

未返富士山酒店之前 我地仲去左兩個地方架 第一就係行程焦點所在 亦都係媽咪揀十一月去日本嘅原因 就係好靚嘅紅葉喇 媽咪之前喺北京賞過一次紅葉就著左魔 今次較好時間都係為左睇紅葉 媽咪之前有問我想睇雪定紅葉架 但嗲地話雪唔應該喺東京睇 於是就揀左紅葉喇...每年紅葉淨係喺十一月出一陣架咋 跟住好快就變落葉...

第二個地方就係掃貨好地方嘅premium outlet喇 喺嗰度媽咪再次大出血呀 而嗲地都好努力咁幫媽咪放血呢 哈哈

終於到左賞紅葉好地方 ~ 箱根平和公園喇 一路上都見到好靚嘅紅葉 秋葉中有黃色啦 橙色啦 深紅色啦 鮮橙色啦 鮮紅色等等 一層層唔同顏色喺山頭度特別好睇 媽咪媽咪 我好想落地地行呀 好舒服 titi好鐘意呢度呀 可唔可以留耐d呀?

          

              

           

  

  

  

  

  

媽咪帶我去敲平和之鐘喇 bom bom bom 哈哈 我同媽咪敲左三聲 公公即刻入左三次錢呀 點解要入錢呀? 公公指指鐘隔籬個memo 噢 原來敲一次要100yen 哇 都好食錢啫....

  

             

               

   

               

   

   

   

媽咪第一時間帶我去洗手潔淨一番 入鄉隨俗嘛 之後我仲見有個伯伯飲完d水就吐痰呀!!!

   

   

                

  

                

逗留一個鐘 時間啱啱好 媽咪同嗲地影左好多相呀 有人景 有風景 滿載而歸 最後媽咪仲帶我去一個好有日本特式嘅公園玩左一陣...

  

               

                

   

    

               

除左紅葉之外 富士山今日都算聽話 肯出嚟一陣 雖然唔太清楚 但總好過冇丫 咭咭 想知酒店嗰邊有冇得睇富士山? 好快會見到答案喇!

   

買埋熱熱的紅豆沙同粟米湯 跟住就上返車車 去outlet買野咯!!!