星馬 2011 ☼ 娘惹餐 ◦ 手信 ◦ 貓山王水果餐

六六事件

 

遊完船河 大家都肚餓喇 跳上車一陣 就到我地要午餐嘅地方

今日中午試食馬來西亞出名嘅娘惹餐

充滿椰汁味嘅雞 薯仔加汁好好味呀

臭豆...食落去好生嘅感覺 d魚仔就好好味

馬拉盞通菜 咖喱 (好好好辣好好好惹味)

咖喱蝦 好味 d汁送飯可以食一大碗

飯後有冰食

我都食左一碗冰冰啦

飯後表演魔術比人睇 嘻嘻

之後去到大家好關心嘅地方

買手信咯 馬來西亞其中一個特產手信點 陳金福店

裡面好多諗到嘅手信都會買到 沙嗲魚呀 榴槤產品呀 椰子產品呀....

買左兩箱 有人pack埋箱 拎埋上車 我地一上車就訓 爽到爆

合埋眼一陣 就到食生果餐嘅地方

除左生果餐 我地仲有得食大家最期待嘅...榴槤 仲要係貓山王呀!!!!

媽咪開心到屎左喇 喺香港錯過左一百八十蚊兩舊 之後都見唔到貓山王嘅蹤影 今日嚟到馬來西亞 一定要買一個嚟食呀!!!

講到榴槤 Ada姐姐話馬來西亞嘅榴槤同泰國嘅榴槤唔同之處 就係馬來西亞嘅榴槤係待它熟透跌落嚟嘅 而泰國嘅榴槤係割落嚟待佢熟嘅...

賣貓山王嗰度 有個伯伯架 佢會幫你揀一個最靚嘅貓山王落嚟

哇 計計數 喺度食一個都唔平架 要八十馬來西亞紙

哇 好靚嘅貓山王!!! 公公同媽咪狂食狂食 我都食左一細粒 daddy食左一大粒!

食完貓山王 即刻講到同平時食嘅榴槤有咩分別 騙唔到人

貓山王味甘而甜 初初入口有d苦苦地 味香但唔臭 我地食完個口一d味都冇架 唔似得平時d榴槤食完一大陣味 我地食完一啖榴槤味都冇湧上嚟 勁!

生果餐開始 全部生果都好甜 特別係芒果同生竹 好味好甜到大家都停唔到手

爭在冇雪凍 我地食慣凍少少嘅生果嘛 依家熱熱地有d唔慣

下面好似大樹菠蘿同榴槤嘅 叫蜜...唔記得左 呵呵 姐姐話淨係得馬來西亞先有得食 但係我地一致覺得唔好食...但有d似榴槤嘅味道喎

我食緊嘅係紫色火龍果 食到成個口都紫晒架 睇下張紙巾就知啦

哈哈 大家都食得好開心 一餐健康嘅下午茶就喺歡樂聲結束咯