星馬 2011 ☼ 流沙奶油蟹 ◦ 水中高腳屋

六五事件

 

 

行完朱古力店 Ada姐姐話我叻同聽話

送左份禮物比我 係一隻猩猩朱古力呀 我覺得好得意 但咁大隻食唔晒 所以借花敬佛送左比人 share一齊食嘛

 

洪爺 (司機叔叔) 送我地去狄臣港 食飯同埋住都喺嗰度架喇

 

今日dinner最好食係流沙奶油蟹 非常好味 蟹肉鮮而實

另外有貝殼海鮮

同埋奶油蝦 原來馬來西亞真係好鐘意食奶油蝦架喎

公公最愛嘅咖喱魚頭煲 e 見到都覺得辣c人呀

 

飽飽上返車 訓都冇得訓 好快就到 The Legend

今晚嘅特色resort 水中高腳屋 yeah!

Resort嗰邊整好馬來西亞糕點 件件都好重椰汁味 開正媽咪嗰瓣 佢吞噬左好多件 除左糕點 仲有傳統嘅馬來西亞拉茶!!!! 甜到暈 Ada姐姐仲話幫我地叫左少少少甜....

 

飽到反肚嘅我地 行向水中屋嗰邊喇

哇 近黃昏嘅高腳屋群好靚呀 聽日一定要早d起身先得...

 

一開門 一張king size床 一張queen size床

我今晚就自己一個訓queen size!!!

哇 有好大個迷你泳池呀 有bubbles party開喇喂

 

我地約好公公婆婆去游水 所以拿拿淋沖沖身 換左泳衣就出去咯

霸張沙灘椅坐下先 冇太陽曬擺下野都好嘛

好舒服呀 個泳池都好正呀 d燈光暗暗 好有渡假氣氛

daddy帶左枝水槍嚟玩 睇下幾勁!!! 枝槍 HKD 7.8 only hahahaha ok wor

daddy教我玩水

Pool side 有bbq food架 但大家都食唔落...

 

游左半個鐘 大家都返房沖洗 我地開左bubbles party 成個bathroom都係bubbles 好開心呀!

之後去左婆婆間房再開party!!!

每次去旅行 最開心係去屋企人間房玩 傾計食野 哈哈哈笑 好快就一晚

要唔要睇我床邊show

 

玩玩下撞到就喊喇...

我喊完之後 好快就冇野咯 眼腫腫再玩過 開心...

聽朝見...