六五事件
又到午飯時間 今餐有馬來西亞咖喱麵飽雞
哇 冇諗過有咁大個麵飽呀! 真係夠十幾個人分呀
哇 開喇開喇 大家都好緊張 咖喱麵飽雞是也
裡面係充滿椰香嘅咖喱 用嚟點麵飽食 非常好!
另外有勁好味嘅奶油蝦 真係好正 一條條嘅旦白絲 惹味!
d蝦每隻都有蝦膏兼且好爽口啊! 媽咪食左好多隻 哈哈
飽飽又再shopping!
唔好見行程去白咖啡店好悶 呢間白咖啡真係好好好好飲架
一入到店 d staff會送上小杯 他們會送上唔同味嘅白咖啡
有糖嘅 冇糖嘅 榛子味嘅 杏仁味嘅 芝麻味嘅 榴槤味嘅 人蔘味嘅 焦糖.....
最好飲係無糖白咖啡 媽咪唔鐘意同唔飲咖啡嘅都買左六大包 好大包啊
買左咁多咖啡 大家都未夠喉
再到朱古力店消費 呢度最多名係水果朱古力
門口有棵可可樹 我咁大個都未見過可可樹架
再到店內 有一對朱古力龍 好靚呀 但會唔會融架?
呢隻馬騮就係店中之寶
公公婆婆同媽咪買左好多榴槤送禮呀 唔平架!
攞到我手都軟埋
馬來西亞嘅壓軸景點 雙子塔!!!
我地喺度玩左好耐 主要原因係公公婆婆幫唔到我地影到張靚嘅全家福
下面呢張算係咁 但媽咪都唔多滿意 想唔收貨架!
媽咪話 : 睇下我幫你地同阿孫影得幾靚! 你地搵笨架....
算啦 媽咪 我比你影返張補數啦 好冇?
原來雙子塔商場都好大架 有食嘅 有買嘅
我地直衝上去反反城 呢度唔比影相 (影晒個姐姐先嚟阻先 ~_~")
佢地笑我"他鄉遇故知"咁嘅樣 咁係丫嘛 見返反反城長頸鹿真係開心!
裡面d玩具同香港好多都一樣
所以最值得參觀係lego呢一part 睇下lego雙子塔呀 靚到暈!
雙子塔裡面有好多好靚嘅車車坐架
我坐左noddy同batman 兩架都好靚好型呀 super開心!
行程到呢度 我地即將到媽咪最期待嘅resort 水中屋酒店
下次見喇...
沒有留言:
張貼留言