向2012倫敦奥運出發

Hello 大家好

又係談家豬帶大家環遊世界喇

今次我地嘅目的地係西歐

Mami喺上年 即係2011年已經Plan好喺七月遊歐洲

貪佢日長夜短 可以玩耐d 多野睇d丫嘛

今次本來我地一心諗住用走馬看花嚟逛歐洲架

但求每個國家有張全家福

點知出路遇貴人 整個trip因為Patrick哥哥嘅帶領而變得充實

比一般旅行團睇得更多  玩嘅好玩更多 真係非常感恩呀!!!


Mami臨出發前已經做好晒功課 雖然唔係自遊行

但mami都希望落車自遊活動可以得心應手 咁就very good啦  

好喇送上十二日嘅足本遊記 請細心欣賞...




2 July 2012

今日臨上機前 我仲要去參加ballet嘅mock exam

之後仲去逛超級市場 施施然好晒行李先去機場

我地撘十一點機嘛 慢慢嚟都唔驚

D歐羅真係平到暈呀 依家去歐洲都覺得 爽呀!

除左歐羅我地仲唱埋英磅同埋法郎 晒你冷~~~~~






本來MAMI諗住用某銀行信用咭嘅HKD 250 轎車機場接送服務 可惜FULL左

唯有坐其他交通工具LAW  機鐵?三個加埋都係貴

所以今次揀左坐巴士 還掂有時間 就慢慢"櫈"入去LOR




到青馬橋喇...

唔知歐洲國家嘅日落有冇香港嘅日落咁靚呢?

MAMI嘅心情手緊張呀 佢成日驚有扒手啦 驚嗰邊天氣唔好啦...

驚到個肚仔都緊張到痛埋一份

到機場喇 我第一次坐巴士嚟機場 原來都坐幾耐架

坐到人都攰埋...

去到都七點喇 拿拿林食拉麵醫肚就算

都唔洗食咁飽喇 一陣一上機又有餐食

今次係我地第一次得一家三口去旅行

之前總有嫲嫲呀 公公婆婆或者YEEE佢地一齊去

但MAMI冇擔心搞我唔掂 佢對我有信心丫嘛 KEKE



呀 點解今次會去歐洲呢? 其實係慶祝 DADDY MAMI相愛十週年架

而我呢? 就係同佢地生活嘅5週年喇

十週年萬歲 五週年萬歲!!!

希望之後嘅幾多年都好 一家人健健康康 平平安安 開開心心

其實睇到呢度 唔好以為我好開心呀

事關第一件黑仔嘅事發喇...

公公送比我去歐洲影相嘅相機喺呢個時間壞左呀!!!!!

本來諗住帶去影相架 點知個DISPLAY壞左 鳴鳴 我唔制呀!!!!

後來MAMI話借其他相機比我 我先開心返咋

見到領隊喇 我地今次同行嘅有34位 大家都相處得非非常嘅開心

一齊食啦 一齊玩 互相照應

感激我地遇到一班好好嘅團友 同埋一個好好嘅領隊

好喇 寄完艙 我地周圍影相 大家都好開心呀

特別係我 我可以訓十晚酒店 同埋衝出亞洲喇 YO~~~~

Don Don are you ready?



yo~~~~ London, we are coming~~~~~~

Goodbye Hong Kong~~~~

我地同大家講聲再見 .....十幾日之後再同香港再見喇 唔好掛住我地喇

英航嘅窗口位等緊我架

丫 想話比大家知 平時我去機場必玩嘅機室playground已經冇左喇

依家得返D好行貨嘅小朋友侯機室

見唔見到我地坐嗰架機呀?

我第一次坐英航咋 唔知好唔好坐呢?

我第一次衝出亞洲 坐十二個鐘飛機咋 估下我有冇扭計?

好多第一次...令呢個旅程更加難忘

到閘口喇 哈哈如果大家睇返韓國嘅遊記

一定會覺得好笑 上次去韓國 個閘口就喺呢個閘口隔離

上次MAMI仲叫我地唔好去左英國閘口登機 估唔到今次真係喺呢個閘口登機

世事真奇妙~~~

睇到呢度 成個歐洲TRIP最令人傷心嘅事已經發生左

呢件事令我上左機變成淚人....亦都令到MAMI好唔開心

如果大家細心留意以下兩張相 聰明D 就會搵到答案

好喇 開心登機去.... bye Hong Kong