羅馬 ♥ 意大利吃意大利麵餐

4 July 2012




成個歐洲trip 我同mami喺車度都好少訓覺

因為車外嘅風景太靚喇

就好似呢日咁

望下出面 見到一片黃色嘅 係咩嚟呢?

估唔到? 近d再望下

 
見到啦 原來意大利好多向日葵 (太陽花)田架

喺車度望住一塊塊太陽花田 好正呀

 

但話時話 如果冬天嚟歐洲嘅朋友

就一定見唔到呢d田園風景區

因為冬天日短嘛  依家六點幾 夏天仲好光

但冬天就黑晒架喇

睇下 唔訓覺 仲會見到彩虹tim!

 
 
到左夜晚 我地先返到酒店

今晚間酒店叫Wall Art 好近Florence嗰邊

全間酒店都掛晒paintings


到埗第一時間唔係休息  亦都唔係想食意大利粉餐

而係拎部電話出嚟serach下有冇wifi 哈哈

我地香港人冇得上網真係會屎架


講返呢餐

意大利食意大利粉 呵呵

仲有主菜烤雞 同埋甜品旦旦

意大利人煮嘅意大利粉都幾硬身

大家一味話硬左少少 但個個都 清晒成碟意粉

其實新鮮蕃茄汁做汁 酸酸地 食食下真係唔錯呀 

 

主菜雞雞好味得嚟冇咩特別 



布甸一般 我食一半就bye bye　 

 
 
DADDy叫左意大利啤酒 仲有有汽礦泉水 

我喺意大利飲左我人生中第一啖有汽礦泉水

結果.....

 

我大喊呀 可能眼訓扭計加埋接受唔到有汽嘅水水

喺咁多人面前 忍唔住....


食飽飽 返房休息

上到房 睇嚟去 都睇唔明房門牌

原來我地今晚有連房呀

兩間房都比晒我地 Yo Ho

我可以跑嚟跑去喇 


5 July 2012

 

兩間房都好舒服 企理

一覺訓到天光  

 

我超級唔捨得間房呀

daddy mami仲同我喺度玩左好多次  hide & seek!

呢間酒店最唔好就係好少電梯

等落樓都等到傻

是日早餐都算豐富

要食飽飽先 今日嘅行程都好豐富 <見唔見到杯果汁 係意大利先有既血橙汁>
所以mami叫我要食飽飽



話時話 歐洲嘅乳酪都好好味架

今朝呢杯菠蘿非常好味  

再見喇 靚靚酒店

有緣再見啦  

 

 

繼續踏上旅程

坐上非常舒服嘅benz旅遊車

去探訪一個旅遊勝地 PISA