Heathrow - 希斯路機場

3 July 2012



坐左十二個鐘機 我對眼都腫腫地呀

圑友都讚我叻女

可以安安靜靜訓覺 之後精精神神落機

多謝英航冇delay 我地準時到達英國喇!!!

Hello 希斯路機場

hello 2012倫敦奥運!!!

頭先落機 平時行開條接駁通道冇左

反而有條樓梯落停機坪 我興奮得大叫

不停問daddy mami點解點解 哈哈

我第一次坐轉駁車由停機坪入機場咋

一出機好興奮係咁傻笑 " 哈哈 去左泊飛機嗰度嘅??? " 

mami細心解釋之後 明白晒~

坐完轉駁車 好快就到機場lu

第一次喺奥運年去主辦國旅行

可惜英國比唔到奥運好興奮嘅感覺 好似冇咩氣氛

 

等埋行李安全送出嚟

就可以開始我地嘅親子遊第一站 - 英國喇

哇 好大個奥運logo

話雖有個靚仔logo 都嫌冇咩氣氛

可能d英國人唔太熱情啦

學Angel姐姐話 : "老虎蟹"都影張相先 哈哈

 

英國嘅underground 好想去坐下呀

下次深度遊一定要去哈利波特嘅月台見識下 坐下underground tim呀

如果坐英航嘅朋友

你地到左倫敦一定唔會迷失 因為terminal 5係英航專用架

出到嚟仲大把交通工具比你揀 當中包括underground啦



 

我地趁有少少時間

去左買零食呀 大大間M&S

門口d花束靚到爆呀 亦都平到震 如果喺香港 mami一定買左



見到d大大件野 我好開心呀

好似去左大件版 city super度咁 最下面個pizza 好正啊~~~





嚟到呢度mami比我好大嘅自由度 我可以揀我鐘意食嘅野

英國M&M

但有條件架 就係自己比錢 同埋自己同外國人溝通

Easy job啦 我自己拎住糖去排隊

行到埋去真係有good morning佢架

之後佢仲同我傾計 佢講英文嘛 我明d唔明d啦

mami冇幫我 淨係遠遠偷影我 ~_~"

 

成功! 我第一包倫敦嘅零食由自己比錢

特別好味~~~

 

呢度有個小小嘅老虎機中心

我見到小朋友都入到去嘅 莫名奇妙

我地靜雞雞行出去

出面都幾凍呀 倫敦仲成日無啦啦落少少雨 多一份涼意

好喇 mami爭分奪秒叉電同大家whatsapp先

記住啊 依家好多機場都有叉電設施架喇

Warm reminder : 個插頭唔好放喺行李度呀 如果唔係就冇得叉電咯