序

今年係Tiba同Tima喺埋一齊嘅十週年

我地上年已經決定去歐洲過一個甜甜蜜蜜嘅週年紀念

哈哈 "我地" 係講緊二人世界

正當我地諗住唔帶阿ti去歐洲之際 Tiba居然中左中銀三十連張

Tiba諗住用呢筆錢比阿ti去見識一下

話阿Ti同我地今年都係5週年紀念 (又係喎)


再問一問阿ti 佢原來好想去歐洲架

為左證明佢有決心跟我去

佢真係好認真聽tima講關於歐洲國家嘅野

邊度有咩睇啦 有咩國家啦  佢全部記到晒喇!!!


出左機票 佢開始知得更加多

知道自己最鐘意嘅公主係住喺歐洲嘅城堡

知道婆婆最鐘意嘅飄零燕住喺歐洲

雖然歐洲冇佢鐘意玩嘅野  但佢卻表現得好興奮 好期待

(其實最興奮係知可以住十幾日酒店  :ｐ）


呢次係我地一家三口第一次自己出門

好緊張呢!


阿Ti 4歲就衝出亞洲喇

歐洲見~