梵蒂岡 ♥ 聖伯多祿大教堂

4 July 2012




架車到左梵蒂岡喇

呢個係全世界領土最小 人口亦都係最少嘅國家


作為一個天主教會最高權力機構聖地嘅所在地

除左教宗喺度之外 好多天主教嘅教徒都會嚟呢度靈修

我讀天主教幼稚園 由三歲開始日日都會接觸到天主教嘅故事

之前Patrick哥哥話過教宗喺呢度"返工" 我即刻好想嚟呀

小朋友要到主耶穌跟前來

主耶穌我嚟緊喇


落車就見到好多吉卜賽女人....

好驚呀 我地唔敢望 拿拿聲行快D

教堂對開嘅就係聖伯多祿廣場

好多天主教徒就喺度聚集架喇

廣場附近有好多販賣紀念品嘅檔口

亦都有小食店 D汽水同果汁同便利店比較都唔算貴

到喇

我同DADDY後面就係聖伯多祿廣場

仲有方尖碑

廣場同埋教堂

加埋藍藍嘅天空 好靚呀

聖伯多祿大教堂 又叫做梵蒂岡大殿

亦都有好多人叫佢做聖彼得大教堂

我地又見多個<<瞬間看地球>>嘅景點

方尖碑由四隻銅獅背負著

呢座方尖碑係由羅馬皇帝

喺埃及亞歷山大城嘅市集廣場運返嚟羅馬

如果可以近睇每個雕像就好喇

歐洲最靚嘅就係呢D雕像 遠睇好靚 近睇應該更加靚

見唔見到後面呀? 好多人排隊呀

今日我地好好彩呀 教宗唔喺度

可以入去參觀!!!

溫馨提示 :

入呢間教堂嘅人必需著有袖嘅衫 我後嚟都比人叫著返件外套呀

亦都唔可以著拖鞋架喎

裡面可以影相 但唔可以用閃光燈

跟我入嚟啦

我要入聖地喇.... 心情又興奮 但又沈重

 
經過門口會見到瑞士近衛隊士兵

佢地好似淨係識德文架咋 負責看守大教堂嘅

同禦林軍一樣郁都唔郁架

聖伯多祿大教堂全家福一張

 

我地真係嚟左喇

仲可以入去tim 太奇妙喇 yeah yeah yeah!

排完長隊 (其實好快就排完)

過埋x ray 就去到一個合照嘅好地方

就係呢個位喇

所以嚟到大教堂嘅朋友唔洗心急喺出面影相

排左隊先 嚟到呢個位先影個夠

 

入去喇

好期待見到裡面靚靚嘅雕塑同感受宗教嘅威力

未入教堂已經哇哇叫

真係好靚 現場同相睇真係相差好遠

mami一邊影相 一邊同我地慢慢欣賞

 

 

我後面嘅係五門其中一門

有中門啦 聖門啦 聖事門啦 善惡門同死門

聖門係 每25年先會喺聖誔由教宗帶領開一次架

本來係一百年開一次  但經幾番抗之後改做25年開一次

 

側邊嘅璧畫 講緊嘅係聖經故事

慢慢睇 再記下係咩故事 真係好正

 

大教堂好多教宗嘅畫像同雕像

除左教宗 最多就係聖母同埋天使...

 

哇哇  mami之前比我睇嘅圖片

依家呈現喺我面前 好好好好好靚呀!

 

大教堂內嘅全家福

全家福後

mami比我自己慢慢行入聖堂

大家都比現場嘅氣氛所感動

 

 

 

近門口嘅聖水盆

裡面有聖水呢

個盆都靚過人 我地愈睇愈興奮!

 

 

拉菲爾嘅主顯聖容

好多信徒喺度靜修

mami好驚訝我嚟到大教堂咁開心

佢估我嚟到會覺得悶架

hehe 我好鐘意呢度呀 平時返學成日聽聖經故事

之後我地見到出名嘅聖伯多祿銅像

傳說摸佢嘅腳會帶來好運

所以大家都排隊去摸摸腳

我地都去摸摸腳先

嗰度有個保安會催你行架

摸完就要走 唔可以停低


聖伯多祿係耶穌十二個門徒 亦係耶穌第一個門徒

亦都叫做聖彼得

 

嚟到中央嘅祭壇

好靚好靚 現場睇淨係識講呢句

 

我同daddy後面嘅聖壇下埋著嘅係聖彼得嘅

米開朗基羅設計嘅圓頂
DUM DUM DUM

 

點解行嚟行去都係靚靚嘅雕塑呀

我地好似迷路喇...