梵蒂岡 ♥ 聖伯多祿廣場

4 July 2012



繼續講埋下半部聖伯多祿大教堂

呢張相可以見到大堂幾宏偉

高高嘅教堂頂繪著好靚嘅聖經故事

 

daddy抱住我  我慢慢同佢講我所認識嘅聖經故事

 

見到有個神職人員喺度做主持嗎?

其實一進入梵蒂岡 你就會感受到天主教嘅感染力

無論你係天主教定基督教 心中嘅天父都係一樣了

身在聖伯多祿大教堂 自自然然會為自己做嘅錯事反省

求寬恕 求神保守....

好多告解亭 全部都好靚

呢度可以幫唔同國家嘅人告解 

好多唔同國籍嘅神父喺度standby架

 

後面嘅耶穌雕塑 真係好好好靚

願光榮歸於父....

大教堂裡 除左大殿 仲有好多密室小祭堂

好多好多嘅雕像陳列喺度

教徒往往見到雕像都會低頭祈禱

 

好滿足

雖然睇唔晒成個大教堂 但旅行睇左最靚最重要嘅野就可以喇

感受過 親眼睇過 真係好夠

遊歷在乎眼見同感受 而唔在乎喺嗰個地方多留幾個鐘

 

 

omg 見到教堂頂咁多次

都仍為覺得好震撼 震撼著世人嘅心靈



父嘅愛係無限大

見到祂張開手嗎?

小朋友要來 大朋友也要來祂的跟前

感謝神 除左比我一個溫暖嘅家

亦都感謝神帶領我嚟到呢度

永世難忘 

 

 

燭台下有著其中一位教宗嘅屍體

 


臨離開嘅時候 終於少d人參觀 聖母慟子像 喇

個像喺其中一個小祭堂度架 有心人要比心機去搵

比d tips你丫  喺右手邊嘅

好難先可以行到埋去 仲要比玻璃圍住

傻瓜機貼住相機都可以有張靚相 

聖母抱住耶穌遺體嘅樣雕得好



如果你嚟到聖伯多祿大教堂

臨離開 留意一下

個個都會抬起頭 多望一眼教堂嘅天花架

再見喇 聖彼得大教堂

親眼見到高安哲羅設計嘅教堂的圓頂

非常滿足



最後比多個tips大家

有心人可以上到去教堂最頂

就會見到呢個咁靚嘅風景

話明有心人 真係好難上架 特別係夏天上去會好辛苦

留意有旅客分兩條隊 其中一條係上樓上架

可以近距離影到教堂嘅圓頂

之後再行好多好多好多級樓梯

上去會見到梵蒂岡全境



不過老實講  如果唔係跟旅行團 mami都未必上去

好多人一上去就會氣喘同暈 事關d樓梯愈行愈迫架

有時間反而去睇 "創世紀" 同"最後的審判"好過啦!

出到嚟 見到瑞士近衛隊士兵站崗

好開心啊 我地又大鄉里同佢合照

 

聖伯多祿像 即係聖彼得像

佢隻手揸住嘅就係 " 天國之匙"

 

喺聖伯多祿廣場

我掛住喺度追白鴿 咭咭

 

哈哈 仲要追嚟追去都係嗰一隻

 

 

追完白鴿追daddy

 

廣場附近嘅噴水池

好靚呀 於是mami又捉我影相

 

 

 大家嚟到可以喺度寄張postcard

好多人都有寄架

不過記住喎

梵蒂岡嘅郵票淨係可以喺度用架咋

如果你拎到去羅馬先諗住寄就唔得lu

 
方尖碑下嘅四隻係咩嚟呢?

有冇聽書呀? 我上一篇blog講過架喎

依家近d

係唔係清楚d呢?

 

總結嚟講

聖伯多祿大教堂真係好值得嚟

行到最後得除左宏偉之外

仲覺得佢好神秘呢

裡面收藏左好多關於天主教嘅珍品

聖門 ...聖母慟子像...方尖碑...圓頂...聖彼得真係安葬喺聖壇下?

呢一切 返到香港 仍然回味沉思