零九年七月二日
返香港咯 遊記完畢
♡ 楽しいhokkaido-Day Five-
JrTower _松板神戶牛_回港♡
食飽飽 就去到最後一個行程 去到JR TOWER 度做最後血拼 媽咪買左好多Comme ca系列嘅衫比我 佢自己終於買到個游水用嘅agnisｂ袋比自己喇
行左一陣 姑姐同姑媽就同我地分開行 我地去左akachan呀! 媽咪終於去晒想去shopping嘅地方 喺akachan裡面 所有嘅麵飽超人野都好平呀 佢買左比我嘅麵飽超人有 : 麵超拖鞋 麵超和服 麵超鉸剪 麵超襟章 麵超顏色筆 麵超勞作圍裙…佢仲買埋日本涼鞋 奶粉 好多好多野呀 咭咭 佢愈買愈開心 …
嗲地都c唔執輸買到對激平嘅nike鞋 真係多謝日本嘅crazy sale呀!!!佢地買到都唔記得我同嫲嫲喺playground等緊佢地 好彩playground有好多麵飽超人野玩 我一d都唔悶
好快就兩個鐘 姑姐同姑媽買左生果 係好靚好香嘅白桃呀 佢地話香港好貴同埋好少地方有得買架 另外 姑媽喺comme ca度買左件好靚嘅衫仔比我呀 多謝姑媽!!!
之後 我地去食lunch 今餐有我地自選嘅神戶牛同松板牛 呢兩碟牛都幾貴呀 仲得好少份量tim 所以大家都食得特別滋味 除左貴價牛 仲有團餐鐵板燒 有牛肉雞肉同豬肉 d肉都好惹味呀 唔太厚 燒落去啱啱好
開心嘅時間過得真係快 話咁快5日就過左lu 媽咪今次玩得好開心 好多野都好難忘 特別諗起呢次係我最後一次以嬰兒身份去旅行 就好唔捨得喇 傻啦 媽咪 我同嗲地一定會陪你再去玩架嘛
去到機場 買野嘅買野 休息嘅休息 準備好5個鐘嘅機程 我地返香港lu 又要開始工作 嚟緊我仲要返學tim 真係好緊張呀…
今次旅行真係好開心 希望下年嘅大旅行會更開心啦 呢篇遊記打得好辛苦 亦都好長 就係因為媽咪想每一樣野都好好紀錄 第日比我睇返 大家都一定好開心呢
花海 海鮮 榻榻米 溫泉 長腳蟹
薰衣草 朱古力 小樽 熊bearbear
海鷗 士多啤梨 再見喇
希望妳會記得09年
我地嘅探訪 see u!!! 保重!!!
回港後 我地食夕張蜜瓜
蜜瓜嚟講最靚係"秀"
仲影返day five嘅勁量級戰利品
姑媽 titi收到件靚衫 有野同你講呀!
titi講拜拜正咗好多,,,有進步,,大個女,,,
回覆刪除[版主回覆07/24/2009 18:57:00]嘻嘻 但另一方面 冇左d bb音lu
Titi一定係最多手信既人。
回覆刪除[版主回覆07/24/2009 18:57:00]冇錯 全部都係佢嘅 依家我返工衫都唔買得多 留返買比佢
titi真係好幸福呀!已經去左兩次日本啦!
回覆刪除[版主回覆07/24/2009 18:56:00]依家個歲數去平d嘛 下年唔去日本架喇
我諗你地肯定忍唔住手~~~~~都係優先買野比TITI架啦..
回覆刪除[版主回覆07/25/2009 10:46:00]咭咭 冇錯我地兩公婆都係最尾先買到野咋
點解唔影埋titi有咩反應呀,我好想睇呀
回覆刪除[版主回覆07/25/2009 10:45:00]咩反應? 食蜜瓜個反應?
好豐富的旅程呀!!!
回覆刪除[版主回覆07/25/2009 10:44:00]係呀 呢次行程好滿意呢 食住都好好 ^^
日本真係有太多可愛的物品了,難怪ti媽又忍唔住手啦.
回覆刪除[版主回覆07/25/2009 10:31:00]好彩唔係行足一日 如果唔係就橙喇 ~_~
好開心...幾時再唸下一個行程
回覆刪除[版主回覆07/26/2009 00:30:00]哈哈 諗左喇 你真係好了解我架啫 ^^ 我呢d係坐唔定 勁貪玩
北海道夏天的花田真係好靚啊~ 好令人懷念啊~~~
回覆刪除ti媽將d相整得好有心機啊~~ titi大個睇番一定好開心o姐~~
[版主回覆07/26/2009 00:33:00]係呀 今次好有心機 寫得好攰呀 揀相 寫字...整一個page用兩個鐘 平時一個page半個鐘都唔洗呀 連埋upload相
所以寫到day three勁想放棄 寫到連屋企都冇執 比tiba鬧...但如果我唔寫 我驚唔記得detail位 ...返得工耐 就淨係記得返工嘅野架喇
比卡超飛機好得意呀
回覆刪除[版主回覆07/27/2009 23:34:00]係咯呵 唔知貴唔貴呢