六月二十九日
朝早二十八度 傍晚十八度
♡ 楽しいhokkaido-Day Two-熊牧場 ♡
離開洞爺展望台 我地終於可以去探bearbear喇!
媽咪今朝話過同我去睇士多啤梨同bearbear 原來係真架 titi未睇過真正嘅熊bearbear 所以心情好興奮!
媽咪同嗲地之前嚟北海道都探過bearbear 嗲哋話我知 熊bear係食蘋果同cookie架 我都好想餵bearbear 唔知媽咪買唔買蘋果比我餵呢...
到喇到喇 熊牧場喺昭和火山附近 都算一間有規模嘅牧場 佢地裡面有分唔同歲數嘅bear 我最鐘意四歲嘅熊bear 佢地特別叻架 知人地有蘋果 就係咁企喺度fing手say hi!
入左場 媽咪例牌影下相 我今次好聽話 好合作...點解? 因為我見到嗲吔買左蘋果喇!!!!!
二百yen一袋蘋果 嗲吔媽咪見我餵得咁開心 前後一共買左三袋比我餵 可惜我餵得冇佢地咁叻 佢地會舉起蘋果引d熊做動作 我就唔係喇 我淨係好細力咁"碌"個蘋果落籠度 媽咪一味話我唔識餵 但titi盡左力喇 個蘋果好重架嘛!
睇左好耐 餵左好耐 我地終於醒覺未去"熊出沒注意"紀念品店shopping 要買手信呢! 我有諗起公公婆婆 所以好比心機拎住個籃揀手信呀 最後都係媽咪買野比較多 嘻嘻!
shopping完 我地去左附近食超超超好味嘅夕張蜜瓜雪糕 真係好好味 食到停唔到口 媽咪激冧 我地兩個同嗲吔爭食tim 個筒成個都係雪糕 所以就算爭食都唔怕!
參觀完熊牧場 媽咪讚我叻 話我唔驚d熊大叫 仲好積極要餵bearbear 我好開心呀 亦都好認同呢個係好好嘅親子活動呢!
回覆刪除Titi shopping真係似模似樣噃~~
[版主回覆07/10/2009 22:47:00]哈哈 呢張我好鐘意架 好似真係shopping緊咁呀
Titi個打扮好似日本小女孩，ti媽果然真係準備好靚靚衫，同titi去旅行呀！
回覆刪除[版主回覆07/10/2009 22:46:00]thanks ^^ 梗係啦 咁遠去到一定影相嘛 ^^
wo..果D BEAR好似人扮熊呀..好似好大隻好高呢..
回覆刪除你地咁掉APPLE落去..會唔會咁岩掉到佢地個頭嫁..?
[版主回覆07/10/2009 22:46:00]佢就係有一次整到阿bear先生個頭呀 哈哈 但應該唔痛卦 ^^
titi真係盡左力啊
回覆刪除好多bear BEAR個張我見到有d怕怕呀hahaha
個ice cream好好味呀
[版主回覆07/10/2009 22:45:00]係呀 嗰邊d雪糕真係好好味架
哈哈 你都驚bear?
係禍,對涼鞋好靚靚呢!
回覆刪除[版主回覆07/10/2009 22:44:00]識貨 喺zara買架 諗左好耐先買 ^^
titi好似好大個女咁呀.
回覆刪除[版主回覆07/10/2009 22:44:00]係呀 去度嗰度真係好似識多左野咁 同香港嘅佢好唔同呀
真係似個小朋友咁 ^^
TITI 真係幸福呀..姨姨都是 06 年才第一次去北海道.咋
回覆刪除佢講餵 BEAR BEAR 好好聽呀 ~~~
[版主回覆07/16/2009 23:31:00]哈哈 好嗲咁呀