♡ 楽しいhokkaido-Day Three-Kiroro法國餐_花火夜♡

六月三十日

今晚落雨喇

 

♡ 楽しいhokkaido-Day Three-

   Kiroro法國餐_花火夜♡

 

離開小樽市 我地坐車車返kiroro酒店喇

返到去我地唔理大風唔理個天想落雨 即刻衝去影教堂呀 嗰度好靚架 媽咪同嗲地都好似好鐘意嗰度咁 而教堂側邊有好多小花花 聽日就去富良野喇 唔知嗰度會唔會仲多花花呢?

                  

    

    

佢地話時間尚早 加上又未到法國餐booking時間 所以話要去浸多次溫泉喎 唔洗問又冇我份架啦... 後來媽咪話我知 其實嗰度有個溫泉池唔太熱架 係比bb或者小朋友浸嘅 但佢話都係留返下次先浸喎...媽咪冇膽鬼!

琴日佢地個個都去左浸 嫲嫲就冇去浸睇實我 今日媽咪見嫲嫲想浸 加上琴晚浸完唔係好舒服 所以今日佢唔浸 一於陪我去玩 睇實我呀!

喺佢地浸溫泉嘅同時 我地攞左隨團附送kiroro resort嘅九十個game coins去玩 我地玩得好開心呀!

好多好玩嘅遊戲要比100yen去玩 好似拍曱甴 射恐龍 (媽咪喺度玩 我就驚到攬住佢大腿) .... 反而d無聊遊戲 好似推coins就可以用嗰d game coins嚟玩

我就好鐘意玩嗰部小丸子推coins機 玩玩下我仲識得press button去控制部機 媽咪偷雞雞偷影左我movie....雖然我好鐘意呢部小丸子機 但都忍唔住話佢搵笨 梗係啦 我入錢 佢出錢 d錢又唔係用嚟換公仔 好一個沒完沒了嘅遊戲

         

                 

                  

     

     

我地玩完嘅同時 佢地都浸完lu shopping一陣 喺kiroro resort有好多arcade架 行半日都仲得呀!

              

              

shopping完 我地就向法國餐廳進發lu 聽人講好好味 所以大家都好開心好期待呢!

               

法國餐廳嚟講 我喺香港都食左一次架喇 而今次食嘅法國餐都好好味 細細碟 但見精細 由蝦 鮮帶子 rib...全部嘅sauce都好好味 我都忍唔住唔食自己嘅baby food而食媽咪d意粉同牛牛呀

呢間餐廳嘅侍應好cool架 但後嚟都比我融化晒 連喺玻璃房嘅總廚都比我搞到好好笑 喺度同我say hi 而我就梗係同佢cheers 乾杯啦!

         (呢餐係團餐嚟架 但你睇下menu 都唔平架)

       

                         d相質素唔好呀 so so sorry!

       

       

       

        

       

       

       

                

     

     

    

    

               

    

              

              

              

   

我地乾完杯 食飽飽之後 就到我地嘅重頭戲 玩花火喇!

一知道去北海道 就記起可以玩花火呀 後尾導遊先話原來依家北海道唔係度度都比玩花火架 如果大家自遊行揀民宿住就可以喇

好彩我之前喺定山溪買定d花火 今晚就偷偷地喺kiroro度玩一陣 咭咭 kiroro地方咁大 玩左都冇人知啦

         

 

我地玩花火嗰陣有影相架 但d相影得唔多靚 唔係d色唔靚 係人唔靚呀 哈哈 但movie就有得睇 我見佢地玩花火 眼定定望住 其實我都好想玩呢...

          

         

大約玩左半個鐘 突然落雨喇...thanks god!!!! 其實今日由餵海鷗到小樽 個天都有d陰想落雨 估唔到依家先落 真係好呀

但落還落 天呀 聽日去富良野呀 我要同花花影相 可唔可以唔好落雨呢? Rain rain go away, come again another day...