六月三十日
開始有d凍 同埋想落雨喇
♡ 楽しいhokkaido-Day Three-
美國港_積丹半島餵海鷗 ♡
媽咪一早又想偷影我訓覺 好彩我知道 醒左仲坐喺度嚇左佢一跳 哈哈哈 想偷影? 冇咁易!
今晚我地都繼續住kiroro酒店 所以唔洗執行李 輕輕鬆鬆落樓食早餐
今朝嘅早餐款少但幾好味 喺冇咩揀嘅情況下 媽咪幫我砌左份"兒童早餐"出嚟 裡面有茄汁加薯角啦 腸腸啦 仲有麵飽 雖然今朝嘅牛角飽好好味 但我一d興趣都冇 反而佢地就好鐘意呢!
飽飽啦 我地上車lu 媽咪話今日去睇海鷗 我唔知咩叫海鷗呀 都未見過 淨係知道係雀雀嘅一種 會飛嚟飛去呢
我地架車去美國港要一個鐘車程 我梗係訓一陣先啦 唔係邊有精力同海鷗玩呀
到左美國港 一陣我地要坐水中展望船去積丹半島 呢個海港好靚呀 我地都好鐘意 ... 去到未見到海鷗 淨係見到好多烏鴉 媽咪話見到d烏鴉成隻雞咁大架!
一落車 我見到一個日本伯伯拉住一隻汪汪狗 隻狗狗好靚好聽話 佢坐左喺度 望住我 我好想同佢玩呀
姑姐同嫲嫲陪我同汪汪玩 仲教我摸佢tim 初初我唔敢架 後尾姑姐捉住我隻手 陪我摸汪汪 哈哈 呢次係我第一次咁近接觸動物架 仲要摸佢 真係第一次呢! 汪汪d毛好滑滑 好鐘意摸摸 好鐘意姑姐 好鐘意嫲嫲 多謝!
上船喇 媽咪抱實我 未上船之前 有個日本哥哥比左枝牛奶妹糖我 一人一枝 佢話比我地暈船浪用喎 嘻嘻 哥哥 洗乜等暈船浪丫 我地一坐低就食喇 哈哈哈哈 媽咪 姑姐 姑媽同我都喺度食
開船喇 哇 好大浪呀!!! 同上次去澳門一樣 好刺激! 連媽咪都坐唔穩 可能就落雨 真係好大浪...
船開左一陣 船長就叫我地落船底 話有海膽同鮑魚睇呀 於是我地排隊落去睇水底喇
落到去見到水底 個個都好暈呀 除左我同媽咪 個個都唔多舒服 所以好想返上去 嘻嘻 咩海膽同鮑魚都係黑麻麻嘅野 睇到都冇咩特別啫 ... 日本哥哥講解左一陣 就比我地上返去lu
冇幾耐 哥哥拎左好多盤麵包皮出嚟喇 媽咪話D麵包皮用嚟餵海鷗架! 果然 一拎D麵包皮出船身 好多海鷗追住嚟食 場面都好壯觀 次次都有幾廿隻海鷗架!
Titi梗係有餵啦 我一d都唔驚 仲叫媽咪比 " 麵包 "我餵海鷗 當然餵唔到 我隻手太短喇
餵左十幾分鐘 d海鷗都追到攰 我地都係時候走喇 呢次係繼士多啤梨園 bearbear場之後 另一令我懷念嘅親子活動 多謝嗲地媽咪 titi玩得好開心呢! 我好鐘意去旅行呀 希望呢次表現令你地滿意啦...
titi岩岩訓醒果樣好搞笑,好得意呀
回覆刪除[版主回覆07/14/2009 21:00:00]哈哈 係呀 好搞笑架 好似傻妹仔咁
睇見TITI同你地全部人都笑得咁開心，就知道餵海鷗好好玩。
回覆刪除跟團真係多野玩好多，唔怪得你話俾100分啦！
[版主回覆07/14/2009 21:00:00]真係比一百分 好開心呀
如果自己去就餵唔到海鷗呀 但各有各好嘅 ^^
依家d旅行團預比人嘅時間都唔錯 唔以以前咁趕...
真係好多海鷗啊,豬媽見到都已想行開下旅行
回覆刪除[版主回覆07/14/2009 20:59:00]去咯 ^^ 去完旅行真係爽d呀 平日做野咁辛苦 要好好享受下啦
好正呀!!下個月我放大假都諗緊去邊到玩呀!
回覆刪除[版主回覆07/14/2009 20:58:00]會去邊呀 要好好plan下喇喎 ^^
titi 訓醒覺 個樣真係好好笑....呵呵.......但係點解你間房可以亂到咁既...........
回覆刪除[版主回覆07/20/2009 22:59:00]大佬 梗係亂啦 但我好快可以執靚靚架 你知我好有效率 呵呵
wahahaha....TiBa無關門你做小記者入去訪問下佢麻
回覆刪除[版主回覆07/20/2009 22:58:00]我驚嚇親人呀 哈哈哈
段片未PLAY之前出左TiTi個樣真係好攪笑呀, 我都不禁講左句"傻豬仔咁樣既"...
回覆刪除[版主回覆07/20/2009 23:00:00]佢訓醒個樣真係好好笑架
titi岩岩訓醒個樣真係好得意
回覆刪除[版主回覆07/20/2009 22:58:00]哈哈 好一個傻豬呀
呢個團睇落又真係唔錯喎。 我上次去都有餵海鷗呀，好好玩。
回覆刪除[版主回覆07/20/2009 22:58:00]係呀 自己去都未必咁多野玩
呢次玩得好開心架 ^^ thanks