♡ 楽しいhokkaido-Day Four-富良野_Farm-tomita II ♡

零九年七月一日

天晴 titi二十三個月快樂!!!

 

♡ 楽しいhokkaido-Day Four-

   富良野_Farm-tomita II ♡

 

媽咪催命符咁叫我地快d影 驚一陣陰天同落雨呀...好彩 我地喺d田度影完相都仲好好天 影埋薰衣草田寫真都未陰過天呀...

      

      

      

      

於是我地再去埋溫室影相...溫室d花都好靚 我坐左喺個筍位監視佢地 唉 好舒服呀 唔知下次幾時再有機會去旅行呢 我同媽咪一樣 都好鐘意好enjoy去旅行呀

      

      

      

      

      

                     

                     

                     

行完溫室 時間無多喇 我地要去食飯飯喇

                   

      

       

嗰度好多野食 我地揀左一個好有農莊田園風味嘅咖喱飯店開餐 咖喱飯店隔離就係賣富良野蜜瓜嘅地方

見到蜜瓜咁香咁靚 我地點會放過丫 媽咪買左兩轉呀 哈哈 但真係好好食 講到呢度 我地又諗起訂左嘅夕張蜜瓜...我地訂嗰個夕張蜜瓜係"秀"嘅 一定好好味啫

                   

                 

除左蜜瓜 仲有一間賣蜜瓜味嘅麵飽店 我地冇試到呀 因為媽咪話聽到幾個團友都話一般咋...

                

我地坐低左 呢間店嘅咖厘飯真係好唔錯 我都食左少少咖喱 加多多白飯呀

              

             

                          

好快食完餐咖喱 我地就衝左去食薰衣草雪糕 聽人講薰衣草雪糕一d都唔好味 但一場嚟到 點都要試下嘅

      

                 

媽咪食左一啖就話似"白花油"味 之後佢走左去買富良野出品嘅奶奶飲 整枝雪糕比左我 唔...我都覺得唔太好食 同之前食嘅蜜瓜味雪糕 差得太遠喇 但基於冇其他野揀嘅關係 唯有慢慢食埋佢啦 咭咭 仲食到成口都係 比人笑tim

                  

       

       

媽咪真係去買奶飲呀 佢低b架 無啦啦晏晝走去飲奶 佢笑笑口出嚟都係嗰句 "一場嚟到 無理由唔試丫嘛"

      

就係呢枝奶 為我地富田農場之旅畫上句號...

      

 

                          Farm-tomita I